san carlo parte iniziale volume 5 valletrompia.qxd - Brixia Sacra

BRIXIA SACRA
annorum 16, qui de prima tonsura non docuit, quo ad mores et studia bonae
spei. Titularis suprascriptus, ut ex antiqua consuetudine teneri compertum
est, coadiutorem in cura animarum hac conducit et nunc est presbyter
Augustinus Bertazolus annorum 31, qui de ordinibus legitime docuit, et de
licentia curam exercendi, tollerabilis scientia in munere coadiutoris curae
quo fungitur, bonis moribus. Omnes suprascripti habitant in domibus
parochialibus praedictis. Schola Doctrinae christianae non exercetur.
Missa cum cantu diebus festis, et vespere cantatur, quibus nullus fere
alius sacerdos interest praeter quam archipresbyter, et eius coadiutor. Diebus
festis Resurrectionis Domini, Pentecostes, Corporis Domini et [f.
659v] Sancti Martini a prandio laicorum prope meridiem missa habetur.
Processiones scholares et populus, inscio archipresbytero, per ecclesias
obeunt. Regulares et scholares qui habitum induunt, non ad ecclesiam
parochialem, ut moris est harum regionum, sed ad domum mortui conveniunt,
unde fit ut saepe, hi una hora et parochus alia, ibi ad funus conveniant,
et saepe de mora rixae oriuntur. In funeribus, quae ad ecclesias etiam
regularium intra fines huius plebaniae existentium deferuntur, ex antiquissimo
usu consuevit dare pars quedam cereorum huic archipresbyterali
ecclesiae, verum conquestus est archipresbyter illam sibi quandoque a
sacerdotibus denegari. Animae 2600, qui sacram eucarestiam sumunt 1200.
Concubinarii tres ut in filo criminalium, videlicet: Franciscus de Chiereghinis
cum Pasqua Benvenuta, Franciscus Bindinellus cum Lucia veronensi,
et Franciscus Coradinus cum Lucieta excomunicati ob concubinatum;
Franciscus de Cumino 3 , Lucas Barchiera. Compertum est quod sponsalibus
tamen clandestine contractis absque matrimonii celebratione sponsi
ad eorum domos sponsas traducant, seu libere sponsi in ipsarum sponsarum
aedibus affectu maritali, simul habitent et uti uxores et [f. 660r] mariti
versentur, qua de re frequenter accidit, quod recedentes a promissis, qui
aliquando praestari non possunt matrimonia inire recusant nec non ipsae
virgines delusae et corruptae remanent.
Schola Sanctissimi Sacramenti. Non erecta. Regulas comprobatas non
habet. Regitur a massario et duobus sindicis, qui mutantur singulo anno.
Percipit redditum librarum novem planetarum, quae una cum eleemosynis
expenduntur in celebrationem missarum ut supra et in cereos et ornatus
altaris, et in subveniendos pauperes dicti loci. Administrationum rationes
singulo anno coram archipresbytero novis sindicis redduntur.
42