san carlo parte iniziale volume 5 valletrompia.qxd - Brixia Sacra

BRIXIA SACRA
In ecclesia Sanctae Apoloniae loci Odeni
Gradus ligneus super altari pingatur vel aliter ornetur. Bradella ad formam
reducatur. Fenestra muniatur vitreis infra mensem. Cappella clathris ferreis
sub arcu crucifixi sepiatur infra sex menses. [f. 919v] Altare Beatae Virginis
Mariae infra tres dies tollatur. Tollatur item sacrarium vetus ab angulo et
aliud in cappella maiori a parte epistolae infra mensem construatur. Fiat
fenestra a parte meridionali. Fenestra rotunda in frontispicio ecclesiae dilatetur.
Pingatur imago Sanctae Apoloniae super portam maiorem ecclesiae.
In coemiterio erigatur crux et sub ingressu cratis ferrea statuatur. Coemiterium
ab arbustis mundetur infra mensem. In sacristia fenestra amplior fiat
et eidem vitreae adhibeantur. Fiat armarium pro paramentis, oratorium et
lavatorium. Provideatur de paramento albo infra duos menses.
Schola Sanctae Brigidae, cum non docuerit de legitima erectione, erecta
est iam nunc ab illustrissimo visitatore, servet regulas ad usum provinciae
Mediolanensis editas. Scholares singulo anno administrationum rationes
reddant curato. Scholares supradicti loci Odoni ne in posterum a parochiali
aquam baptismalem deferant ad baptizandos infantes in hac ecclesia, sed
in parochiali ecclesia, quae vere est locus sacramentorum, baptismum
suscipiant, permittitur tamen ob distantiam a parochiali et dificultatem itineris,
praesertim hiemis tempore, quod constructo baptisterio ad tertiam
formam in dicta ecclesia Sanctae Apoloniae baptizari possit.
1
Aggiunto in interlinea.
2
Segue crux cancellato.
198