san carlo parte iniziale volume 5 valletrompia.qxd - Brixia Sacra

BRIXIA SACRA
Schola Rosarii Beatae Virginis Mariae, nuper erecta, nondum regulas,
libros aut redditus habet.
Legatum pium. In dicto loco Gargnani adest legatum communitati factum
a Ioanne Catharino ducatorum centum ut ex eis fundus ematur, cuius
redditus erogetur in pauperes puellas loci Gargnani in matrimonia collocandas,
quod quidem executionem habet.
Oratorium Sanctae Mariae Magdalenae in quo est schola Disciplinatorum.
Non consecratum.
Habet tria altaria lignea; nullos redditus, sed in eo ex devotione disciplinatorum
quandoque celebratur; sacristiam item in qua vestes disciplinatorum
asservantur.
Schola Disciplinatorum Sanctae Mariae Magdalenae. Non erecta. Regitur
a [f. 660v] priore et quattuor sindicis, qui non recitant officium quia
legere nesciunt, singulo anno mutantur. Habet regulas non comprobatas.
Nullos redditus, sed eleemosynas, quae in ornatum oratorii suprascripti
impenduntur. Administrationum rationes novis sindicis coram archipresbytero
singulis annis redduntur.
Ecclesia Sancti Rochi loci Gargnani
Non consecratam. Habet quinque altaria. Habet legatum ducatorum quattuor
in annum, conditum per Bernardinum de Burno cum onere celebrandi
missam unam singulis hebdomadis, quos archipresbyter exigit et oneri satisfacit.
Aliud legatum Iohannis 4 Cacanzoli librarum sex in annum pro celebratione
missarum in die sancti Rochi. Praeterea quidam Iohannes Beatricis
heredem constituit communitatem Gargnani cum onere impendendi medios
fructus hereditatis in celebrationem missarum in hoc horatorio in festo sancti
Rochi, et erogandi reliquos fructus in tot panes hominibus loci Gargnani.
Missae celebrantur, sed panis tam divitibus quam pauperibus distribuitur.
Ecclesia Sancti Francisci fratrum Conventualium Sancti Francisci
Consecrata est ut creditur, ampla et in ea adsunt Sanctissimum Sacramentum,
altaria octo videlicet altare maius, altare Sancti Nicolai, quod habet
legatum [f. 661r] ducatorum 15 in annum a domino Hieronymo Guercio
conditum cum onere missae quotidianae, cui satisfaciunt fratres infrascripti,
altare Conceptionis Beatae Virginis Mariae cum schola ut infra, et alia
44