san carlo parte iniziale volume 5 valletrompia.qxd - Brixia Sacra

BRIXIA SACRA
860r] Schola suprascripta, quae cum non docuerit de legitima eius erectione,
iam nunc est erecta ab illustrissimo visitatore, servet regulas ad usum
communem provinciae mediolanensis editas. Scholares singulo anno administrationum
rationes archipresbitero referant.
In oratorio Sancti Rochi
Cappella in ingressu claudatur provideaturque de paliis, mappis et candelabris
aeneis. Foramen post altare maius muro obturetur, infra quindecim
dies. Altaria omnia lateralia tollantur infra tres dies. Fenestrae in oratorii
frontispicio ita muro obturentur infra mensem, ut per eas e via publica
introspectari non possit et aliae fiant ad formam. Nec antequam de supra
scriptis et aliis necessariis iudicio vicarii foranei provisum sit, in eo celebretur,
sed eius onera interim in archipresbyterali ecclesia adimpleantur.
In oratorio Sancti Thomae de Villa
Amplietur nicia altaris maioris, ita ut ad formam altare construatur [f.
860v] et ornetur quemadmodum in visitatione promissum est a vicinis et
balustro ligneo sepiatur ad formam infra menses sex. Ostium campanilis
muro obstruatur et aliud portam maiorem versus construatur. Altare Sancti
Bernardini tollatur. Legatum Bartholomei de Agnolinis de Villa scutorum
decem pro structura altaris, fabricae altaris maioris applicatur. Portae
laterales muro obstruantur, et una in frontispicio ecclesiae aperiatur e
regione altaris maioris, accedente tamen vicini consensu, cuius est ager
cohaerens oratorio. Labium, quod est in caemiterio pro aqua benedicta, in
ecclesia collocetur. Fenestra fiat a parte serotina, quae vitreis ornetur et
haec omnia infra mensem. Schola Disciplinatorum, per illustrissimum visitatorem
in hoc oratorio erecta, sumat regulam ad usum communem huius
provinciae 14 impressam et eam servent 15 . Scholares singulo anno administrationis
rationem reddant coram archipresbytero.
In oratorio Sancti Faustini, quod quidem oratorium satis amplum, campestre
et ripae lacus vicinum est et in quo exsules et alii facinorosi homines
noctu ad perpetranda delicta recipiuntur. Communitas in hospitale Lazareti,
prout instanter petiit, cum oratorio ad formam ab episcopo approbandam
infra duos annos [f. 861r] exstruatur, quo termino elapso et non fabricato
destruatur, lapides vero, ligna et alia materia fabricae ecclesiae archipresbyteralis
applicantur.
56