san carlo parte iniziale volume 5 valletrompia.qxd - Brixia Sacra

BRIXIA SACRA
Monasterium suprascriptae ecclesiae annexum satisque capax et congruum,
in quo de familia fratres, quorum sacerdotes sunt duodecim, ex his
autem septem sacras confessiones audiunt, praeterea etiam in eo habitant
quinque fratres laici eiusdem ordinis. Redditus nullos habet praeter eleemosinas
et legata missarum suprascriptarum, ex quibus percipi poterunt redditus
annui librarum 150. Schola Conceptionis Beatae Virginis Mariae caret erectione,
regulas habet, redditus item annuos et eleemosynas, quae in dies fiunt,
ex quibus ornamenta altaris comparantur et pauperes sublevantur. Regitur a
sindicis, consiliariis et massario, qui quoque biennio mutantur et rationes
administrationum referunt, quibus visis in visitatione subscriptum est.
Ecclesia Sanctae Mariae fratrum Carmelitarum satis ampla et ornata.
Consecrata creditur et in ea Sanctissimum Sacramentum asservatur, ante
quod lampas assidue ardet expensis fratrum. Reliquiae parvae sanctorum in
vase stamneo in sacristia asservantur. Altaria sunt novem, videlicet altare
maius dotatum a Ioanne Roelio qui libras 500 reliquit planetarum ex quibus
[f. 724v] fundus emeretur, cuius redditus a fratribus dicti monasterii
perciperentur cum onere celebrandi divina officia in ecclesia et celebrandi
missam quotidianam per octo menses continuos cuiuslibet anni, altare Circuncisionis,
dotatum a Cornelio Griffo nonnullis redditibus modiorum
duorum cum dimidio olei olivarum cum onere missae quotidianae, praeterea
etiam relictae fuere librae 25 planetae ab eodem Griffo impedendae in
ornamenta et picturas iconae suprascripti altaris. Reliqua altaria septem
sunt indotata. Sacristia incongrua et remota ab ecclesia.
Monasterium suprascriptae ecclesiae annexum in quo habitant de familia
fratres novem, ex quibus sex sunt sacerdotes, et ex his tres confessiones
audiunt, et alii tres laici. Redditus annui, computatis suprascriptis redditibus
legatorum, sunt aureorum 25.
Collegium Montis pietatis spiritualis, ab illustrissimo visitatore in visitatione,
de consensu etiam reverendissimi ordinarii erectum, ut constat
instrumento per cancellarium visitationis accepto ad instantiam domini
Ioseffi Milii qui illud dotavit nonnullis bonis stabilibus ex quibus percipi
poterint in anno redditus librarum 200 planetarum. Cuius collegii et Montis
institutum est conducere lectores et praeceptores, qui impensis Montis
literas humanas aliasque liberales [f. 725r] scientias doceant, mores item
288