san carlo parte iniziale volume 5 valletrompia.qxd - Brixia Sacra

BRIXIA SACRA
transferuntur altare et schola Sancti Ioseph cum eorum oneribus et emolumentis,
quae ad constructionem suprascriptae cappellae aliquid contribuatur.
Cappellania suprascripta accedente patronorum consensu in coadiutoralem
curae animarum erigatur quem consensum procurent archipresbiter
et praefecti ecclesiae.
Altare Sancti Sebastiani tollatur et eius titulus onera et emolumenta si quae
sunt ad suprascriptam cappellam Sanctissimae Trinitatis iam nunc transferuntur.
[f. 954v] Bacetae duae olei in anno per Accursium Frassenum huic altari
relictae lampadi Sanctissimi Sacramenti applicatae iam nunc censeantur.
Altare Sancti Ludovici tollatur et eius onera et emolumenta ad altare
Sancti Christophori construendum ut infra iam nunc transferuntur. Ordinarius
summarie 6 et ex officio contra haeredes et successores Maffei de Garretis
haeredis Laurentii de Trascis, qui ex haereditate tenentur congruam
mercedem cappellano tribuere pro missa quotidiana ut assignavit dictam
mercedem sufficientem, qua cappellanus quotidie et perpetuo ad dictum
altare celebret nec vero ulla ratio habeatur reductionis subreptitiae, quam
obtinuit cappellanus eiusdem altaris non facta mentione obligationis haeredum
ad congruam mercedem dandam expressis multis mendaciis ut constitit
in visitatione. Nisi vero dicti haeredes intra mensem ordinarium docuerint
ad augendam sacerdoti condecentem mercedem non teneri, propter
quod illi iam auctoritate apostolica ut asseritur quaedam bona assignarunt
eamque haereditatem ab hipoteca generali omnium bonorum liberarunt.
Altare Sancti Marci cum suo titulo, onere et emolumento transfertur
iam nunc ad altare in cappella construenda ad formam a parte meridionali
ecclesiae regione altaris Sancti Antonii abbatis. [f. 955r] Haeredes Stephanini
Berthelli praestent sine mora legatum eiusdem pro construendo et
ornando altari Sancti Marci honorifice sumptu haereditatis eiusdem idque
fiat in cappella adhibito omni ornatu ad formam praescriptam instructionum.
Haeredes Zenarii de Scainis, qui ex eiusdem testamento tenentur
praetium domus cuiusdam vendendae et ducatos quinquaginta auri in tot
bona stabilia emendo expendere pro mercede missae quotidianae et solvunt
tantummodo ducatos quinque in anno cappellanis residentibus, cogantur
per commune et homines Salodii uti commissarios ad suprascriptum legatum
exequendum fundumque omnino emendum et quod ultra dictos ducatos
quinque communiter et de iure ex dicto legato percipi potuisset per haeredem
expendatur in suprascriptam cappellam fabricandam.
300