san carlo parte iniziale volume 5 valletrompia.qxd - Brixia Sacra

BRIXIA SACRA
chialem prius conveniant et una cum clero seculari ad domum mortui perveniant
iuxta usum et consuetudinem harum regionum. Idem servent
scholares confratresve, qui in habitu incedentes invitati pariter ad funeralia
conveniunt. Presbyter Herculanus 11 de Septis, archipresbyter Gargnani,
infra duos menses examini casuum conscientiae se praesentet.
Franciscus de 12 Chiereghinis, qui sub spe contrahendi matrimonium
copulam carnalem habuit 13 cum Pasqua Benvenuta, cum mox etiam inter eos
detecta fuerit affinitas tertii et quarti gradus, ne ullo praetextu cum ea conversationem
vel cohabitationem, aut aliquod genus comercii habeat, poena
aureorum 50 et excommunicationis in subsidiutn, prout eidem mandatum
fuit, ut in actis visitationis constat, contra quod mandatum si contravenerit
poenis in eo contentis afficiatur ac etiam aliis gravioribus arbitrio reverendissimi
ordinarii. Idem reverendus ordinarius contra Franciscum de Commino
de Ziza excommunicatum ob concubinatum et qui iam pluribus annis
in Paschate non est confessus poenis et mulctis ex praescripto sacrorum
canonum severe procedat. Idem praestet contra Lucam Barchierum excommunicatum
ob concubinatum, in quo cum pluribus annis perseverat.
In ecclesia Sancti Francisci fratrum Minorum conventualium loci Gargnani
Tabernaculi lignei hostiolum panno serico duplicetur. Altare maius in anteriorem
partem capelle transferatur et sepiatur ad formam, ut ab eius tergo
choro fabricando conveniens locus relinquatur. [f. 859r] Icona reconcinnetur
et haec omnia infra tres menses praestentur. Altare Sancti Antonii iuxta
parietem, qui a tergo eiusdem altaris est, transferatur, et de cruce provideatur
clathrisque ferreis sepiatur et fenestrae vitreis muniantur infra sex
menses. Altare Sancti Nicolai clathris ferreis sepiatur, nec ante in eo celebretur.
Altare Sancti Bernardini ad parietem, qui a tergo est, infra mensem
transferatur, fenestrae vitreis muniantur. Altaria Sancti Ludovici et Madonina
tollantur infra tres dies. Altare Sancti Stephani retrahatur infra duos
menses et a campanili muro distinguatur, ante illud vero conveniens locus
bradellae et spatium inter bradellam et cancellos cubiti unius cum dimidio
saltem relinquatur, nec in eo ante celebretur, ferreis cancellis sepiatur, et
provideatur de necessariis. Confessionalia duo saltem ad formam loco congruo
et aperto ecclesiae statuantur. Labium aquae benedictae ad formam
comparetur infra mensem. Caemiterium purgetur sterpibus et arbustis et
crux in eo erigatur infra octo dies. In sacristia sacrarium construatur, cali-
54