san carlo parte iniziale volume 5 valletrompia.qxd - Brixia Sacra

VALLE SABBIA
Hano (Capovalle), San Giovanni Battista
[a. Acta visitationis, ff. 683v-684v
Brescia, XXXIII, ff. 33r-34v
U. VAGLIA, Storia della Valle Sabbia. Documenti, II, Brescia 1970 2 , pp. 128-132]
[b. Decreta particularia, ff. 898r-900r
Brescia, XXXV, ff. 218r-219r]
[a. CHIESA PARROCCHIALE DI SAN GIOVANNI BATTISTA DI HANO]
[f. 682v] Die 4° maii predicti anni
Visitavit parochialem ecclesiam Sancti Ioannis Baptistae, loci Hani et deinde
intra eius fines infrascriptas scholas et oratoria. Consecratam ut creditur
et in ea Sanctissimum Sacramentum ante quod lampas expensis partim
rectoris et partim populi collucet, et licet ex sententia episcopi Bollani ad
id curatus tamen teneatur, populus tamen in visitatione libras 55 curato
assignavit ut ex eis fundus ematur, cuius redditus sit pro oleo lampadis una
cum aliis [f. 684r] legatis olei quae in dies fiunt. Baptisterium non ad formam.
Altaria quatuor, videlicet altare maius cum schola Sanctissimi Sacramenti,
altare Rosarii cum schola pariter et duo alia altaria indotata. Sacristiam
et coemiterium parietibus clausum. Domum parochialem ecclesiae
annexam. Fabricae et reparationis ecclesiae curam habet populus. Redditus
huius parochiae in anno sunt ducatorum 50 vel circa. Titularis est presbiter
Martinus de Grandis annorum 46. De titulo et litteris ordinum, praeter
quam de prima tonsura, docuit. In munere parochiali scientia tenuis. Clericum
non habet. Processatus de concubinatu, item de armis prohibitis, de
negligentia circa curam animarum. Habitat Hani et residet in suprascriptis
aedibus parochialibus. Animae 460 vel circa, quae sacram communionem
sumunt 300, vel circa. Doctrina christiana nulla fere exercetur.
Schola Sanctissimi Sacramenti, non erecta. Regulas neque redditus
habet, sed eleemosynas, quarum curam habet massarius, qui singulis annis
a societate eligitur cum interventu curati; impenduntur eleemosynae in
cereos et ornatum altaris, et administrationum rationes a massario societati
coram curato redduntur.
Schola Rosarii beatae Virginis Mariae. Regulas non habet nec de eius
erectione constat, sed in ea descripti plerique etiam scholares Sanctissimi
145