san carlo parte iniziale volume 5 valletrompia.qxd - Brixia Sacra

VALLE SABBIA
chialis ecclesiae in instruc- [f. 946v] tionibus generalibus commonstrata
sunt. Obturetur foramen, quod est in sacristia a parte septentrionali. Fenestra
muniatur vitreis. Ex fructibus huius beneficii perpetuo manuteneatur
clericus in habitu, qui missis et aliis parochialibus officiis inserviat.
Schola Sanctissimi Sacramenti, cum non docuerit de eius legitima erectione,
erecta est iam nunc ab illustrissimo visitatore, servet regulas ad usum provinciae
Mediolanensis edendas et administrationum rationes singulo anno
referantur vicario foraneo vel cui reverendissimus episcopus demandarit.
Archipresbyter etiam cum ex legitima causa et facultate a cura abesse
contigerit, ultra duos dies, de alio sacerdote idoneo provideat, qui missas
celebret et alia parochialia munia subeat. Oblationes pecuniarum, lini, bladorum
et aliorum huiusmodi, quae quandoque intra annum altaribus fiunt,
in capsula pro fabrica ecclesiae deponantur, quae sit duabus diversis clavibus
munita, quarum altera apud deputatos fabricae ecclesiae, altera apud
archipresbyterum asservetur. Clerus et populus huius loci, ut eorum paci
et tranquillitati consulatur in suo et non in alieno agro processiones obeat,
excepto tamen secundo die rogationum, quod in agro Provalii Superioris
eas, ut consueverunt et conventum est, obire poterunt.
[f. 947r] Per archipresbyterum infra mensem illustrissimo visitatori
exhibeantur authentica instrumenta transactionis seu relaxationis quarantularum
factae cum commune et hominibus Provalii Superioris et Bargarum,
ut opportune provideri possit indemnitati huius ecclesiae. Vicarius
foraneus pro tempore in hoc vicariatu Provalii maiorem adhibeat diligentiam
in festorum observatione et contra eorum violatores ad praescriptum
canonum et conciliorum etiam provincialium severe procedat.
Nundinae ne deinceps fiant diebus festis ad praescriptum constitutionum
summorum pontificum et conciliorum provincialium, sed illas reici
possint, in diem praecedentem seu subsequentem simili facto non impeditum.
In solemnitate Sanctissimi Corporis Christi et alias, etiam cum sanctissima
eucaristia circumfertur in altaribus quae in via et plateis parantur,
ne deponatur sed recto ordine procedente ad ecclesiam ad quam defertur
etiam reportetur ea in processione et in aliis etiam, curae sit vicario foraneo
ne actiones prae foribus aedium aut in via contra provincialia decreta
repraesententur proposita etiam, si opus erit, poena interdicti ab ingressu
ecclesiae repraesentantibus. Processiones, quae intra fines parochiarum
vicariatus huius fieri contingerit, ne in posterum fiant sine parochi licentia
265