san carlo parte iniziale volume 5 valletrompia.qxd - Brixia Sacra

BRIXIA SACRA
tor ipsum archipresbyterum eo munere indignum censeat. Cum reverendus
Ioannes Paulus Tiberius archipresbyter saepius contra sacri Tridentini
concilii praescriptum a suo beneficio absit, non sine commissi sibi gregis
detrimento, decernitur ne in posterum extra parochiae suae fines sine
licentia saltem vicarii foranei pernoctet, nec vero tribus continuis diebus
sine reverendissimi episcopi facultate scripta, poena decem aureorum
nummorum proposita ipso facto subeunda, quae iam nunc scholae Rosarii
addicitur praeter alias poenas Tridentino concilio constitutas.
Archipresbyter vero munera sui officii cognoscat, cum ecclesiasticis
hominibus intra fines suae parochiae commorantibus pacem et concordiam,
quo charitatis zelo tenetur, conservare eamque augere studeat; animarum
curam per se ipsum exerceat; sacramenta omnia ministret et praesertim
sanctissimum sacramentum eucharistiae et extremae unctionis
infirmis illosque visitet; verbum Dei populo sibi commisso diebus festis
evulget ac omnia parochialia munera obeat; si vero deinceps hoc praestare
neglexerit per se aut sine iusta causa praetermiserit poenas et mulctas etiam
amissionis fructuum pro ratione culpae negligentiaeve reverendissimi episcopi
arbitratu subeat. Instrumenta item eius ordinum in visitatione non
ostensa intra quindecim dies exhibeat reverendissimo episcopo, poena
suspensionis illi constituta.
Cum ex nonnullis documentis in actis visitationis post edita decreta
exhibitis satis perspiciatur coadiutores archipresbiteri neque ad fabricam,
neque ad aliquam suppellectilem ecclesiae conficiendam teneri, iccirco
contributio illa centum aureorum quae ipsi archipresbitero et coadiutoribus
constituta erat, ad summam annuam [f. 1004v] aureorum quinquaginta
redigitur ab ipso archipresbitero solo, ad praescriptum in ceteris decreti
iam editi contribuendam.
Si vero intra duos menses coram reverendissimo episcopo ipse archipresbyter
probarit eosdem coadiutores contribuere debere, decretum de
iisdem centum aureis persolvendis omnino servetur.
In ecclesia archipresbyterali
Ut lampas ex praescripto decreti iam editi assidue accensa ante sacras Vigilii
reliquias pro earum dignitate praestetur, donec in altari maiori collocatae
fuerint, populus cappellano ipsi aliqua eleemosynarum contributione subsidio
sit, quod si non fiat cum reverendissimo episcopo cogitandum erit de
374