san carlo parte iniziale volume 5 valletrompia.qxd - Brixia Sacra

VALLE SABBIA
ecclesiae infra octo dies. Infra tres dies altare Sancti Petri tollatur et reliquiae,
quae in eo invenientur, inter alias decenter collocentur appositis inscriptionibus
nominum et ibidem fenestella, ubi alias Sanctissimum Sacramentum
asservabatur, muro obturetur. Altare Conceptionis Beatae Virginis Mariae
provideatur de cruce aenea. Tollantur impedimenta et indecentia a tergo eiusdem
infra octo dies. Altare Sancti Antonii haereat parieti, qui a tergo est
niciae. Muro obturetur fenestella a parte evangelii. Bradella reficiatur ad formam.
Provideatur de candelabris aeneis. Fenestella a parte epistolae muniatur
vitreis, vel saltem speris ex tela cerata infra mensem. Infra tres dies altare
Sancti Georgii tollatur et eius onera et emolumenta, si quae habet, ad altare
maius iam nunc transferuntur. Ostium a parte epistolae eiusdem altaris infra
tres dies muro obturetur. Item fenestella supra crucifixi arcum.
Fenestrae ecclesiae vitreis muniantur infra tres menses. Crucifixus
scholae Conceptionis columnae appensus alibi asservetur. Ne in posterum
bradellae ullae umquam in hac ecclesia collocentur nisi communes et simplices
ad formam instructionum, et episcopi concessu, quod ei secus [f.
921r] factum sit, ecclesia interdicta censeatur donec illae reiectae fuerint.
Campanile claudatur sera et clave. Incrustentur et dealbentur parietes
ecclesiae ubi incrustationes collapsae sunt. Fiat labrum aquae sanctae magis
decens ad portam occidentalem.
In sacristia lavatorium decens constituatur. Provideatur de vase pro
abluendis corporalibus et purificatoriis. Fiant paramenta, alterum viride,
alterum album, sericea. Provideatur de purificatoriis et corporalibus ac sacculis
eorum diversorum colorum, praeterea omnia quam primum poterit.
Comparentur ad usum huius ecclesiae quae de suppellectili parochialis
ecclesiae eiusque sacristiae in instructionibus generalibus commonstrata
sunt. Refficiatur septum coemiterii et in eo erigatur crux. Accessus per
coemiterium ad domum archipresbyteralem omnino tollatur et ideo in eius
ingressu prope dictam domum archipresbyteralem ferrea clathris statuatur
et septum coemiterii elevetur alibique transitus fiat. Ostium campanilis in
coemiterio respondens muro obturetur.
Ex fructibus huius beneficii archipresbyteralis perpetuo manuteneatur
sacerdos idoneus, qui missas celebret et archipresbytero coadiuvet in administratione
sacramentorum, ut hactenus consuevisse compertum est in
visitatione. Clericum item in habitu idoneum, qui missis et aliis parochialibus
officiis inserviat.
209