san carlo parte iniziale volume 5 valletrompia.qxd - Brixia Sacra

VALLE SABBIA
diversa ab usibus et ritibus ecclesiae, omnino tollatur sed illis ipsis diebus
processiones ab archipresbyterali ecclesia ad dictam ecclesiam Sancti Vigilii
cum litaniis aliisve praecibus ab ecclesia receptis a populo et clero, ut
mos est, pie et devote obire poterunt. Eleemosynae panis, casei et vini,
quae ex fructibus huius [f. 931r] beneficii erogantur in die Sancti Vigilii,
iudicio et testimonio archipresbyteri vere pauperibus fiat.
In ecclesia Sancti Michaelis loci Gazani
Altaris maioris bradella ad formam fiat. Obturetur foramen in pariete a parte
evangelii infra quindecim dies. Schala, per quam e cappella ad locum subterraneum
est descensus, humo impleatur et adaequetur pavimentum infra
mensem et ingressus loci suprascripti extra cappellam fiat. Claudatur cappella
maior a parte anteriori. Fenestrae muniantur vitreis infra quattuor menses.
Infra tres dies altare Sancti Pauli tollatur et eius onera et emolumenta ad
infrascriptum altare Sancti Petri iam nunc transferuntur. Altare Sancti Petri
ad formam reducatur et congruum spatium sit in eius lateribus clerico servienti.
Fiat icona et bradella. Claudatur a parte anteriori. Provideatur de
cruce aenea et candelabris infra quattuor menses. Parietes ecclesiae dealbentur.
Fiat labrum aquae benedictae decens. Septum coemiterii reparetur
et in ingressu claudatur ne bestiis aditus pateat. Altare, quod est sub porticu
extra ecclesiam, tollatur infra tres dies. Campanile et sacristia infra
annum construantur. Summarie agatur per ordinarium, qui etiam ex officio
procedat [f. 931v] contra non solventes legata huic oratorio facta, etiam
cum iisdem ea observent confessarii, quae a reverendissimo episcopo in
cedula casuum reservatorum tradita sunt.
Haec ecclesia, cum a parochiali tribus milliaribus distet et iter variis torrentibus
interrumpatur vicinique sint numero 260 vel circa, quibus difficile
ab archipresbytero Abioni eorum curato sacramenta ministrantur, per
illustrissimum visitatorem aut per reverendissimum episcopum in parochialem
erigatur, attenta congrua provisione stipendii, quod vicini ipsi perpetuo
se praestituros in actis visitationis obligarunt, una cum redditibus
Sanctae Mariae de Viselono a reverendissimo episcopo Bollano suprascriptae
ecclesiae Sancti Michaelis applicatis, nec non quarantulis eiusdem loci
Gazani et aliis item redditibus ab archipresbytero Abioni assignatis.
1
Segue in sacrestia cancellato.
227