san carlo parte iniziale volume 5 valletrompia.qxd - Brixia Sacra

DECRETI AGGIUNTI
poenis in praecepto contentis afficiantur ac contra eos ex forma dicti praecepti
per reverendum ordinarium eiusque vicarios severe agatur, propositis
etiam in posterum aliis poenis severioribus eiusdem ordinarii arbitrio. Et
qui sunt, videlicet dominus Camillus Gavatarus concubinarius cum Paula
de Franchis, quibus presentibus et audientibus praeceptum fuit quatenus
termino dierum decem proxime futurorum debeant se omnino ab invicem
separari et alienari ab omni inhonesto commertio et dictus dominus
Camillus eam e domo eicere debeat, proposita poena excommunicationis
quoad virum, quo vero ad mulierem exilii; dominus Olivierus Zanettus
non cohabitans cum uxore, cui presenti et audienti iniunctum est quatenus
tridui spatio cohabitet cum uxore atque peccata sua confiteatur et sacram
eucharistiam sumat.
Pro Consortio
Administratores Consortii nisi quindecim dierum spatio codicellum quod
pretendunt factum a domino Francisco de Cogis, in quo se onere extruendi
sive emendi cappellam in ecclesia prepositurali huius loci ibique celebrare
faciendi missam quotidianam illis ex eius testamento imposito levatum esse
asserunt, reverendissimo episcopo exhibuerint omnia quae in eodem testamento
continentur 1 intra octo menses praestare omnino compellantur 2 .
[f. 1019r] 3 Iidem cum vicario foraneo despiciant an melius esset de
pecuniis, quae ex hac administratione quotannis superesse dicuntur, fruges
annis singulis comparare inter pauperes presentes distribuendas an vero
bona immobilia sicut hactenus observatum esse dicitur emere, quicquid
vero ex iis magis expedire iudicarint id amplectantur.
Schola Sanctissimi Sacramenti
Cum administrati muneris rationes in hac schola quinque ab hinc annis
sicut in visitatione relatum est subductae non fuerint, mensis spatio presente
vicario foraneo reddantur quod etiam singulis annis et eo etiam saepius
ad praescriptum regulae faciendum erit.
Schola Disciplinatorum
Prior Disciplinatorum et alii administratores investigent num bona quae in
dotem tradita fuerunt Hieronime uxori quondam magistri Hieronimi
Bonardi reperiantur atque eo casu dimidiam eorum partem, sicut illa in suo
389