san carlo parte iniziale volume 5 valletrompia.qxd - Brixia Sacra

DECRETI AGGIUNTI
BRENO, SANT’ANTONIO
[Decreta particularia, II, f. 1031r
Brescia, XXIV, q. 18, f. 217v]
[Visita apostolica, IV, pp. 297-307]
[f. 1031r] In ecclesia Sancti Antonii loci Breni
Ut laico magistratui locus congruus in ecclesia detur extra septa chori et praesbyterii
haec ratio adhibeatur altaris latitudo duorum cubitorum sit quod a
muro cubito uno cum dimidio distet, bradella cubitis itidem duobus constet,
cui duo gradus lateritii lapideive substruantur, qui una simul latitudinem cubiti
unius cum dimidio non excedant. Reliquum vero spatii quod est inter infimum
gradum et clathra sub fornice constituta, duobus aequalibus spatiis gradu
interiecto dispertiatur, quo super gradu cancelli lignei vel marmorei demisiores
(balaustrum vocant) figantur, ex his vero spatiis superius quod gradui
ipsi aequabitur, clero inferius vero magistratui laico usui erit.
CIVIDATE CAMUNO, SANTA MARIA
[Decreta particularia, II, ff. 1031r-v
Brescia, XXIV, q. 18, ff. 217v-218v]
[Visita apostolica, IV, pp. 333-342]
[f. 1031r] In ecclesia Sanctae Mariae loci Cividati
Tabernaculum ligneum a reverendo archipresbitero moderno datum, si
iuditio reverendissimi episcopi decens pro dignitate ecclesiae iudicabitur
super altari collocetur, sin minus aliud ad praescriptum visitationis adhibeatur.
Ex duobus calicibus vetustate corrosis qui in sacristia sunt, alter in
pyxidem conflandam convertatur, quae vero impensa praeterea necessaria
erit ea per scholam Corporis Christi praestetur. Titulus altaris Sancti Rochi
ex decretis visitationis tollendi cum oneribus et emolumentis omnibus iam
nunc ad altare maius deportatur donec in alium locum huius ecclesiae transferendum
reverendissimus ordinarius censuerit.
[f. 1031v] Baptisterium in propria cappella collocandum si cancellis ferreis
sepiri non possit, saltem ligneis et illis decentibus omnino sepiatur, terminus
autem ad constructionem baptisterii praescriptus prorogatur ad
biennium. Ea quae pro ecclesia Sancti Stephani decreta sunt, populus exe-
415