san carlo parte iniziale volume 5 valletrompia.qxd - Brixia Sacra

VALLE SABBIA
Populus iste obit quandoque possessiones in agro alieno, unde controversiae
oriuntur. Schola Doctrinae christianae nulla exercetur.
Schola Sanctissimi Sacramenti, non erecta, redditibus caret, regulas
habet, sed non comprobatas; regitur a duobus massariis, qui singulis annis
vel mutantur, vel confirmantur. Eleemosynae annuae esse poterunt librarum
66, ex quibus cerei et ornamenta altaris Sanctissimi Sacramenti comparantur,
pauperes item sublevantur, administrationum rationes singulo
anno curato dantur, quibus visis in visitatione, subscriptum est.
Schola Rosarii coepta sed non erecta, caret regulis et redditibus, eleemosynae
annuae esse poterunt ducatorum 10 quae in aparatum et ornamenta
altaris impenduntur. Regitur a duobus deputatis a societate qui singulo
biennio mutantur, et administrationum supputationes coram curato fiunt.
Oratorium Sancti Bartholomei loci Fusinarum, consecratum ut dicitur,
habet unicum altare sine redditibus, in eo ex antiqua consuetudine, sexta
quaque feria, suprascriptus curatus celebrat.
Oratorium Sanctae Mariae loci Odeni 1 , habet unicum altare sine redditibus
[f. 706v] in quo ex antiqua consuetudine ter in hebdomada suprascriptus
curatus celebrat.
In oratorio Sancti Laurentii loci Furni est unicum altare sine redditibus,
ex antiqua consuetudine curatus singula quarta feria celebrare tenetur.
1
Così nel testo, sta per Oduli.
[b.] [f. 935r] In ecclesia parochiali Sancti Zenonis loci Oduli
Operculum pyxidis deargentetur et alia pyxis pro communione populi
comparetur. Tabernaculum ligneum introvestiatur. Tabernaculum pro processionibus
cum lunula ad formam reducatur infra duos menses. Aliud vas
baptisterii comparetur in quo sit distinctus locus fontis a sacrario iuxta tertiam
formam instructionum et ciborium congruum habeat. Vas autem, in
239