san carlo parte iniziale volume 5 valletrompia.qxd - Brixia Sacra

BRIXIA SACRA
et in eadem cappella statuatur; vas autem in quo nunc aqua baptismalis
asservatur, usui esse poterit in hac vel alia ecclesia pro aqua benedicta.
Altare maius et bradella ad formam reducantur. A parte evangelii capellae
maioris concavum fenestrae muro obturetur et statua inde ammoveatur.
Cappella maior in ingressu claudatur clathris ferreis infra quattuor menses.
Altare Sancti Antonii dilatetur ad formam, et clathris ferreis sepiatur et
integumentum habeat. Provideatur de candelabris aeneis et paliis decentibus.
Bradella deprimatur et sub ea gradus lapideus statuatur infra tres menses.
Altare Corporis Christi claudatur ut supra, et super eo integumentum
sit, eius bradella cum gradibus ad formam 7 reficiatur. Altare Beatissimae
Virginis Mariae fiat, bradella ad formam, clau- [f. 908r] datur, et integumentum
habeat. Provideatur de candelabris aeneis infra tres menses.
Foramina parietis ecclesiae a parte epistolae altaris Sanctae Mariae, et a
parte evangelii Sancti Antonii muro obturentur. Confessionalia duo ad
formam in loco congruo et aperto ecclesiae collocentur infra mensem. In
coemiterio erigatur crux et ab eo tollatur arbor infra octo dies. Spatium
ante ecclesiam, ubi alias erat coemiterium, claudatur saltem columellis lapideis,
ut a via publica sit distinctum.
Ostium vicini novum respondens in dicto spatio obturetur. Clericus a
communitate in habitu sustineatur, qui missis et aliis parochialibus officiis
inserviat. In sacristia oratorium, et lavatorium fabricentur. Provideatur de
paramento viridi et violaceo infra quattuor menses. De purificatoriis, de
corporalibus et de eorum sacculis. De vase pro purificatoriis abluendis. De
laternis item dabus deferendis, cum ad infirmos Sanctissimum Sacramentum
portatur.
Vicini huius ecclesiae, qui sunt numero 1200 vel circa, et a parochiali [f.
908v] spatio milliaris distant, quibus non sine magno incommodo ab archipresbytero
Hidri eorum curato sacramenta ministrantur, quia iter saepe ob
impetus et innundationes Clisis fluminis impeditur, cum assignatione
ducatorum 12 a suprascripto archipresbytero facta provideant ipsi de reliquo
stipendio perpetuo, ut haec ecclesia per illustrissimum visitatorem vel
per reverendissimum ordinarium in parochialem erigatur.
Oratorium Sancti Marci de Muro indecens tollatur, et materies eiusdem
applicatur ex nunc oratorio Sanctae Mariae novo in monte supra Lavinonum,
quod fabricandum est ad formam approbandam, non tamen in illo
166