san carlo parte iniziale volume 5 valletrompia.qxd - Brixia Sacra

SALÒ
Vanitatibus et conversationi laicorum deditus. In aedibus parochialibus
habitat, satisfacit per presbyterum Hieronymum Delaiolum, qui quidem
est annorum 26, de ordinibus docuit, scientia tolerabilis in munere suo,
bonae vitae ut dicitur, habitat in aedibus paternis.
Altare Sancti Ioseph. Dotatum a Zenario de Scainis, qui reliquit communi
Salodii aureos quinquaginta et domum pendendam ut ex dictis quinquaginta
aureis et praetio fundus emeretur, cuius redditus darentur sacerdoti
ab heredibus dicti Zenarii electo, et ad eorum nutum amovibili, qui
sine impedimento cuiuscunque personae ecclesiasticae in dicto altari quotidie
celebraret. Dicta domus vendita fuit, et heredes suprascripti testatoris
capitulo cappellanorum residentium singulis annis persolvunt ducatos
quinque qui oneri non satisfaciunt.
Altare Sanctissimi Sacramenti cum schola de qua infra.
Coemiterium parietibus septum. In capite suprascripti coemeterii est
oratorium Sancti Christofori a parte anteriori apertum, septum tamen cancellis
ligneis, habet altare in quo quotidie celebratur cum mercede annua
librarum 75 [f. 716v] planetarum, quae a schola dicti oratorii persolvuntur.
Cappellanus est presbyter Baptista Pasius annorum 38 qui de ordinibus et
de licentia confessiones audiendi docuit. Bene audit, habitat in aedibus
patrimonialibus. In suprascripto oratorio est schola de qua infra. A latere
ecclesiae est oratorium Sancti Antonii cum altare in quo est schola, et celebratur
ex devotione eiusdem scholae. Sacristia ampla. Indumentis et alia
supellectile ecclesiastica etiam praetiosis copiose instructa. Nullos redditus
habet, sed populus ex aere publico praedicta supeditat. In predicta sacristia
tempore divinorum officiorum vagantur laici et confabulantur cum sacerdotibus
ibidem se ad missam parantibus clericique inter se nugantur. Sacrista
ab eodem populo constituitur, qui etiam de fideli custodia supellectilium
fidem iubet, est nunc presbyter Antonius Mollia suprascriptus in altare
Sancti Marci cum mercede annua ducatorum 25, ut supra in eius statu.
In hac ecclesia est capitulum cappellanorum residentium, qui quotidiae
in choro horas canonicas recitant, diebus vero festis de praecepto vel de
consuetudine missam conventualem et vesperas et quandoque alias horas
cantant, in hoc collegio sunt descripti [f. 717r] omnes cappellani, tam titulares
quam mercenarii dictae ecclesiae residentes, qui nunc sunt undecim.
De cuius erectione non constat praeter ex quibusdam legatis, ut etiam ex
legato Catharinae de Bergaminis, quae de anno 1529 reliquit quaedam bona
279