san carlo parte iniziale volume 5 valletrompia.qxd - Brixia Sacra

BRIXIA SACRA
ipsam et capellam maiorem usque aliam pilastratam per duos cubitos vel
circa et inde flectatur ad altare versus duobus aliis cubitis et iterum reflectatur
usque ad parietem [f. 952v] lateralem capellae a parte septentrionali
ita ut ostium extra clathra remaneat in illa parte ubi reflexerunt et haec
omnia praestentur intra sex menses. Provideatur altari de candelabris, de
cruce et omni paramentorum suppellectili necessaria ad praescriptum
instructionum generalium intra annum.
Oratorium Sancti Antonii annexum ecclesiae a parte septentrionali
destruatur, ibidem ad formam capella extruatur, cuius ostium in ecclesia
respondeat et hinc inde ab ostio fenestrae fiant per quas ab ecclesia introspectari
et missa audiri possint, forma per nos iam scriptis probata. Ad
altare in dicta capella construendum transferuntur iam nunc schola Sancti
Antonii et tituli onera et emolumenta altarium Sancti Antonii de Padua,
Sancti Antonii abbatis et Sancti Antonii ut dicitur confessoris, ipsa vero
altaria tollantur, ad cuius capellae fabricam unusquisque ex duobus capellanis
scilicet Sancti Antonii abbatis et Sancti Antonii, ut dicitur, confessoris
singulo anno per duos annos proxime futuros decem ducatos singulis annis
scholaribus suprascriptis contribuant ut commodius et citius dictam capellam
construi faciant. Capellanus nunc et pro tempore capellaniae Sancti
Antonii abbatis adiuvet archipresbiterum in confessionibus in ecclesia
audiendis ex onere per illustrissimum visitatorem consensu communitatis
in actis visitationis praestito illi imposito in perpetuum.
[f. 953r] Procuretur consensus patronorum capellae Sancti Antonii, ut
dicitur, confessoris, quam obtinet presbyter Cominus tuncque erigatur in
theologalem seu magistralem, cum offitio etiam audiendi confessiones in
ecclesia, alioquin erigatur capella suprascripta Sancti Antonii abbatis ad
formam consensus iam praestiti per communitatem in actis visitationis.
Presbyter Petrus Bertholdus cappellanus Sancti Antonii abbatis instrumenta
emphitheutica et alienationes bonorum dictae capellaniae intra
mensem ordinario exhibeat, qui summarie et ex officio et ad rescisionem
contractuum, si minus legitime confectas repererit, prout iuris erit procedat.
Hoc idem praestetur in altera portione suprascriptae capellaniae Sancti
Antonii quam possidet presbiter Caeninus. Altare Sanctae Mariae et
Sanctorum Iacobi et Philippi cum suis titulis et oneribus ac emolumentis
ad altare in capella ad formam ibidem construenda iam nunc transferuntur
ibique schola Rosarii remaneat. At vero capellania de consensu patrono-
298