san carlo parte iniziale volume 5 valletrompia.qxd - Brixia Sacra

SALÒ
Archipresbyter pluvialia tria, videlicet nigrum, viride et violaceum ex
panno [f. 966v] serico correspondenti reliquis paramentis, ut in visitatione
obtulit se praestaturum quam primum confici curabit, de quo praestito
constare faciat illustrissimo visitatori. Archipresbyter Salodii percipiendos
fructus parochialis ecclesiae Sancti Bartholomei de Sernigha ne se ingerat,
sub poena privationis iuris eligendi curatum dictae ecclesiae, aliis item poenis
a Tridentino concilio praescriptis.
Presbyter Cattus Bollanus termino duorum mensium literas subdiaconatus,
quattor minorum et primae tonsurae ordinario exhibeat et ab
audiendis confessionibus perpetuo abstineat. Presbyter Iulius Paxius termino
duorum mensium examini casuum conscientiae se praesentet ut possit
legitime confessiones audire prout reverendissimus episcopus censuerit.
Presbyter Petrus Berthellus ab auditione confessionum abstineat ob
eius imperitiam insanabilem. Presbyter Romulus Guicerotus qui aliquam
casuum conscientiae peritiam habet subiiciat se examini intra duos menses
ut in audiendis confessionibus data facultate ab ordinario animarum adiumento
esse possit. Presbyter Cominus Accursius se praesentet examini
termino mensis pro audiendis confessionibus. Presbyter Franciscus Bonisolus
cappellanus monialium Sancti Benedicti 14 ab ordinario scriptis licentiam
obtineat celebrandi in dicta ecclesia monialium intra mensem et ab
aedibus contiguis ipsi monasterio in quibus nunc residet, alibi ad habitandum
recedat intra quindecim dies.
Dominus Apollonaris Pigotius subdiaconus de prima tonsura tertio
mensis doceat ordinarium. Presbyter Petrus de Zinis cappelanus Sanctae
Crucis loci Villae ne in posterum sacramenta ministret, nisi praevio examine
in scriptis ab ordinario probatus fuerit. Presbyter Hercules Guidottus
cappellanus Sancti Bartholomei de Sernighae ne in posterum sacramenta
ministret nisi de licentia episcopi. Presbyter Iulius Pandinus cappellanus
Sanctorum Nazarii et Celsi loci Renzani reverendissimum ordinarium
adeat, a quo si praevio examine approbatus fuerit sacramenta ministrare
poterit nec aliter in ipsorum administrationem se ingerat.
[f. 967r] Infrascripti omnes et singuli si in posterum contra formam
obligationis aut fideiussonis per eos praestitae aut praecepti illius facti in
actis visitationis ut infra aliquo contravenerint poenis in obligationibus aut
praeceptis contentis afficiantur ac contra eos eorumque fideiussores ex
forma obligationis aut praecepti ut infra per reverendissimum ordinarium
313