san carlo parte iniziale volume 5 valletrompia.qxd - Brixia Sacra

VALLE SABBIA
tur ac de conopeis diversorum colorum provideatur infra duos menses. Baptisterium
aliud ad tertiam formam instructionum cum ciborio congruo comparetur,
sepiatur, et integumentum habeat ad formam infra sex menses. Vas,
in quo nunc aqua baptismalis asservatur, usui ecclesiae poterit huic vel alii
ecclesiae pro aqua benedicta. Armarium, quod est in altare maiori, muro
obturetur, cappella pingatur et vitreae fenestris adhibeantur. Clathris ferreis
sub trabe crucifixi sepiatur infra sex menses. Ecclesiae fenestrae aptentur ad
formam. Fiat labrum aquae benedictae et aliud quod est extra ecclesiam tollatur.
Fenestrae inferiores in frontispicio ecclesiae muro obturentur intra
octo dies. Soffita ecclesiae ornetur et pingatur infra mensem.
Altare Sancti Rochi sub cappella in coemiterio infra biduum tollatur.
Sacristia incrustetur, et dealbetur. Fiat oratorium et lavatorium et armarium
pro paramentis. Praeterea comparentur omnia alia quamprimum poterit ad
usum huius ecclesiae eiusque sacristiae, quae de suppellectili parochialis
ecclesiae in instructionibus generalibus commonstrata sunt. [f. 915r] Sacristia
alia contigua magis ecclesiae et loco magis congruo construatur infra
annum. Schola Sanctissimi Sacramenti, quae cum non docuerit de eius legitima
erectione, erecta est iam nunc ab illustrissimo visitatore, servet regulas
ad usum provinciae Mediolanensis editas. Scholares Sanctissimi Sacramenti
administrationum rationes singulo anno coram curato reddant.
Clericus idoneus in habitu, qui missis aliisque parochialibus officiis
inserviat a curato sustineatur. Curatus maiorem adhibeat diligentiam in
festorum observatione, et ut contra eorum violatores ad praescriptum
canonum et conciliorum provincialium provideatur, instet apud vicarium
foraneum. In erudiendis pueris et aliis in Doctrina christiana, adhibitis
etiam secum aliis ad praescriptum regularum eiusdem institutionis christianae,
sollicitum se praebeat, praesertim diebus festivis.
185