san carlo parte iniziale volume 5 valletrompia.qxd - Brixia Sacra

BRIXIA SACRA
opus non erunt, per eos ad quos spectant sive scholares et patroni sive
praefecti [fabricae sint, aliis ecclesiis vendi possint et pretium in fabricam
cappellae et altaris extruendae convertatur.]
[f. 958v] Capsula in loco congruo in ecclesia causa colligendae eleemosinae
nomine fabricae eiusdem ecclesiae consensu episcopi collocari poterit.
Praefecti fabricae huius ecclesiae qui octo deputati a communitate sunt
muneri suo quam possunt accurate incumbant et in ecclesia, nisi episcopi
concessa facultate formaque ab eodem probata, ne quid aedifitii novi extrui
faciant, praeterea quae in hac visitatione iam praescripta sunt, ornamenta
vero coeteraque altarium cappellarum totius denique ecclesiae suppellectilia
ad praescriptum instructionum generalium fieri curabunt, adhibito iudicio
archipresbiteri seu vicarii foranei.
In iis quae ad chori clerique disciplinam ad missarum et aliorum divinorum
officiorum tempus rationem et ordinem pertinent, ne se ullo modo
intromittant, si quid vero reformatione vel correptione egere viderint,
archipresbitero vel praefecto ecclesiae relinquant ad episcopumve cuius est
in his providere deferant. Ne item ullo modo se ingerant in exactionem aut
in administrationem bonorum temporalium cappellaniarum, etiam quae
iuris patronatus communitatis sunt, vel tempore vacationis vel collationis,
nisi ita fieri posse ex fundatione reverendissimo episcopo [prius constiterit
aut illa ipsis id munus curae suae sigillatim delegant.] [f. 959r] Cum
haec ecclesia in oppido multis rationibus insigni vel structura et ornatibus
et numero ministrorum archipresbiteralique dignitate late fulgeat in eaque
sit et mensa residentiae et distributionum quotidianarum, numerusque
cappellarum mediocres reditus habentium, opere praecium erit efficere ut
capellaniis in canonicatus erectis illa in collegiatam erigatur praesertim cum
alias collegiatam fuisse dicatur.
Homines igitur universitatis loci Salodii termino unius mensis deducant
coram illustrissimo et reverendissimo visitatore seu eius deputato iura omnia
quibus liquere aiunt ecclesiam Assumptionis Beatae Virginis Mariae matricem
et archipresbiteralem eiusdem oppidi olim fuisse collegiatam ac in ea constitutos
fuisse canonicatus nuncupatos aliaque munia collegialia in dicta ecclesia
exerceri solita esse et quod aedes dictae ecclesiae haerentes canonicales sint et
nostris etiam temporibus canonica nuncupatur ut deinde deliberari possit de
restitutione huius status praefatae ecclesiae aliudve statuatur ordinaria auctoritate
aut etiam procuretur a Sancta Sede apostolica. Decreta omnia in visita-
304