san carlo parte iniziale volume 5 valletrompia.qxd - Brixia Sacra

BRIXIA SACRA
nitentia obtentam super deformitate manus sinistrae notabiliter contractae;
scientia inhabilis omnino in munere parochi, vix enim legit. Circam
supellectilem sacram sordidus, ut supra in visitatione, in cura animarum et
bonorum ecclesiasticorum negligens, non solum (prout in processuum
libro), verum etiam in sustinendo sacerdotem [f. 655v] qui missas celebret,
et in cura animarum sibi coadiuvet, ut tenetur, sicutque ex antiqua consuetudine
in hac ecclesia consuevisse compertum est. Residet, et habitat in
aedibus parochialibus, secum habet Dominicum de Tomasinis nepotem
annorum 24 subdiaconum, qui de ordinibus non docuit, legit, sed nil omnino
intelligit. Animae 1600 vel circa, quae sacram eucarestiam sumunt 1000.
Concubinarii duo, videlicet Iacobus de Perinis de Volteno et Helena de
Beninis in simul, quibus mandatum fuit, ut poena aureorum decem et
excomunicationis a concubinatu desistant, pro ut in libro processuum.
Nulla exercetur schola Doctrinae christianae. Schola Sanctissimi Sacramenti,
cui est unita schola Beatae Virginis Mariae non erecta. Regulas non
habet. Regitur a quatuor consiliariis, massario et cancellario qui singulo
anno mutantur, vel confirmantur. Habet redditum annuum librarum sex ut
supra, praeterea eleemosynas, quae impenduntur in celebrationem missarum
et ornatum altaris. Huic scholae facta etiam sunt quaedam legata parvi
momenti, semel tantum adimplenda.
[f. 656r] Oratorium Sancti Hieronimi, ubi dicitur in Campiono, habet
unicum altare, sine redditibus, et domum parvam annexam.
Oratorium Sancti Michaelis in Monte, est apertum, cum unico altari sine
redditibus. In quo in festo Sancti Michaelis ex devotione celebratur.
Oratorium Sancti Marci loci Pregasii
Non consecratum et inornatum. Habet unicum altare sine redditibus. Circa
dictum oratorium est spacium in quo alias, ut dictum fuit, vicini sepeliebantur.
Ecclesia Sancti Bartholomei loci Vesii, non consecrata, habet duo altaria,
coemiterium septum, in quo vicini sepeliuntur, domum ecclesiae contiguam,
in qua habitat cappellanus. Haec ecclesia spacio circiter trium milliarium
a parochiali distat, et iter montuosum, asperum et difficile est. Vicinorum
animae sunt numero 500, qui conqueruntur quod ob distantiam et
asperitatem itineris in parochiali ecclesia ad sacramenta percipienda, non
24