san carlo parte iniziale volume 5 valletrompia.qxd - Brixia Sacra

BRIXIA SACRA
Schola Sanctissimi Sacramenti coepta, sed caret erectione, regulis et
redditibus, habet tamen eleemosynas quae in anno esse poterunt librarum
12 ex quibus candelae et ornata altaris comparantur. Regitur a massariis qui
singulo anno mutantur et administrationum rationes ipsi societati referunt,
quibus visis in visitatione subscriptum est.
Ecclesia Sanctorum Nazarii et Celsi loci Renzani non consecrata, altaria
duo habet, cum schola Sanctissimi Sacramenti ut infra. [f. 728r] Altare
Sancti Laurentii habet legatum a Mariano de Zambonis conditum librarum
200 pro una vice, ex quibus emptus est fundus, cuius redditus annui sunt
librarum 10 cum onere celebrandi singulo die mercurii. Adest etiam coemiterium
septum, ac domus sacerdotalis ecclesiae contigua. In hac ecclesia
celebrare faciunt vicini cum mercede annua ducatorum 25, computato
legato suprascripto. Cappellanus amovibilis nunc est presbyter Iulius Pandinus
annorum 52, qui de ordinibus docuit praeterquam de minoribus et
prima tonsura, qui de licentia reverendissimi episcopi oretenus data, ut
vicarius foraneus attestatus est, fungitur munere parochi, scientia tamen
admodum debilis in munere confessiones audiendi. Bonae vitae ut dicitur
et habitat in suprascriptis aedibus sacerdotalibus. Animae sunt numero
140, quae quidem spatio milliaris a parochiali distant.
Schola Sanctissimi Sacramenti caret regulis, redditibus et erectione:
exercetur tamen et eius eleemosynae in anno esse poterunt librarum 30,
quae in cereos et candelas pro Sanctissimo Sacramento associando ad infirmos
et in ornamenta altaris impenduntur. Regitur a massario, qui singulo
anno a societate coram cappellano mutatur 14 , ac eidem 15 administrationum
rationes refert, quibus supputatis in visitatione subscriptum est.
Ecclesia Sancti Antonii loci Caraberii
Consecrata creditur, et in ea sacramenta parochialia ministrantur. Sanctissimum
Sacramentum asservatur, ante quod [f. 728v] lampas assidue expensis
scholae elucet. Baptisterium non adest. Altaria sunt quatuor, videlicet
altare maius cum schola Sanctissimi Sacramenti, et alia tria indotata. Sacristia
adest. Coemiterium clausum. Domus sacerdotalis ecclesiae annexa.
Redditus nullos habet, sed a vicinis stipendium annuum ducatorum 43,
cappellano amovibili persolvitur, qui quotidie celebrat et munere parochi
fungitur. Cappellanus est presbyter Petrus de Bligris annorum 28, qui de
ordinibus et de licentia curam animarum exercendi docuit. Scientia tolera-
292