san carlo parte iniziale volume 5 valletrompia.qxd - Brixia Sacra

DECRETI AGGIUNTI
stris comes Alfonsius a Gambara et dominus Polidorus de Cantiis singillatim
ducatos septem cum dimidio auri de camera ac praedictus presbiter Pincinellus
aureos quinque erogent, quoad praescriptis omnibus satisfactum
fuerit. Praedictas vero portiones ut supra conferendas, titularis ipse huius
decreti auctoritate apud se retineat easque consentientibus sindicis curatoribusve
ecclesiae nomine communitatis deputatis si qui sunt, vel praefecto
seu thesaurario scholae Corporis Christi in supradictorum executione [f.
984r] impendat, proposita poena dupli et aliis gravioribus, ac etiam suspensionis.
Iidem omnes pensionarii intra mensem exhibeant bullas dictarum
pensionum coram reverendissimo ordinario; interimque, donec eas non
exhibuerint, pensiones sibi attributas minime consequantur, verum archipresbiter
illas sequestri nomine penes se comprimat habeatque poena restitutionis
dupli constituta.
Infrascripti omnes et singuli si in posterum contra formam obligationis
aut fideiussionis per eos praestitae aut praecepti illis facti in actis visitationis,
ut infra, in aliquo contravenerint, poenis in obligationibus aut praeceptis
contentis afficiantur et contra eos eorumque fideiussores ex forma praecepti
seu obligationis ut infra per reverendum ordinarium eiusque vicarios
severe agatur, propositis etiam in posterum aliis poenis severioribus eiusdem
ordinarii arbitrio. Et qui sunt videlicet: dominus Carolus Luciagus
concubinarius cum appellata la Marietta; Ioannes Antonius de Capua concubinarius
cum Anna Desegotta nupta; Lucius Luciagus concubinarius cum
Annunciata de Odofredis; Oratius Bulinus concubinarius cum Domicella
de Canis; Thomas Polanus uxoratus concubinarius cum Barbara de Sgringis;
Ioannes Iacobus dictus de Fiffa concubinarius cum appellata la Soldadella,
quibus omnibus emanatum fuit praeceptum, quatenus sub excommunicationis
quo ad viros, quo vero ad mulieres exilii a civitate et diocesi
Brixiensi ac aliis poenis, termino trium dierum debeant se separari ab [f.
984v] omni inhonesto commercio nec simul ulterius in domo seu extra
domum conversari vel cohabitare praesumant.
Ulterius dictus Thomas Polanus promisit poena scutorum 100 et
excommunicationis in subsidium amplius conversationem aliquam vel
commercium non habere cum dicta Barbara et pro eo fideiussit dominus
Fulvius Luciagus, filius quondam nobilis Thesei habitator Manerbii. Item
dictus Iacobus de Fiffa promisit poena, quinquaginta scutorum auri locis
piis applicandorum et excommunicationis in subsidium et alia maiori arbi-
343