san carlo parte iniziale volume 5 valletrompia.qxd - Brixia Sacra

BRIXIA SACRA
atque sicut consueverunt omnia onera tum fabricae, tum suppellectilis et
ornatus ad ecclesiam parochialem spectantia sustineant diligenter vero in
posterum quam hactenus factum est, illa praestita decreta item huius visitationis
apostolicae praestituto in decretis iam editis temporis spatio
prompte exequant.
Reliqua vero quamprimum si autem negligentiores se prebuerint reverendissimus
episcopus et sequestrationibus et alia iuris ratione efficiat ut
eo omnino in executionis usum inducantur.
Presbyter Faustinus Barbobus praetensus vicarius perpetuus huius
parochialis ecclesiae qui a Sancta Sede apostolica priusquam ad possessionem
prefati beneficii admitteretur, novam ut dicunt provisionem non [f.
1014r] obtinuit, illam quamprimum impetret, interim vero ab audiendarum
confessionum munere et ab aliis parochialibus muneribus in ea parochia
abstineat, nisi reverendissimus ordinarius de eo scriptam facultatem
dederit; fructusque omnes hactenus perceptos, quos tuta conscientia suos
non fecit, intra sex menses restituat in ecclesiae parochialis et Sancti Georgii
fabricam et supellectilem reverendissimi episcopi arbitratu impendendos,
nisi interim eadem Sancta Sedes illos sibi benigne remiserit. Presbyter
Faustinus Barbobus servam quam modo habet, intra octo dies omnino a se
dimittat neque in posterum aliam sine reverendissimi episcopi concessu
scriptis exarato domi habeat, poena alioquin gravi pro eiusdem episcopi
arbitratu illi proposita.
1
Decretum tum de vicario perpetuo in ecclesia parochiali huius loci
sustentando, tum altero sacerdote in ecclesia Sancti Georgii illi adiungendo
iam editum ab administratoribus Hospitalis Brixiae servetur omnino,
quod vero de eorum mercede constitutum est, id in reverendissimi episcopi
iudicium plane reiicitur, qui pro loco ratione ac eius commoditate utrique
illam praescribat atque alium cappellanum praeter suprascriptos ibidem
adhibere possit prout illi necessitatem postulare videbitur.
Laura uxor Iosephi Tesitoris concubina cum magnifico domino Vespasiano
de Girellis, cui praeceptum fuit ne in posterum ullo quovis praetextu
audeat cum suprascripto magnifico domino Vespasiano habitare consuetudinemve
ullam habere aut colloqui, proposita poena exilii, fustigationis et
alia maiori arbitrio etc.
Si contra formam dicti praecepti in aliquo contravenerit, poenis in eo
contentis afficiatur et contra eam ex forma dicti praecepti per reverendum
386