san carlo parte iniziale volume 5 valletrompia.qxd - Brixia Sacra

DECRETI AGGIUNTI
VI. RIVIERA DEL GARDA E VALLE SABBIA
TREMOSINE, SAN GIOVANNI BATTISTA
[Decreta particularia, II, ff. 1050r
Brescia, XXIII, q. 3, ff. (1-2)]
[Visita apostolica, VI, pp. 23-34]
[f. 1050r] In ecclesia Sancti Ioannis Baptistae loci Tremosini
in vicaria Tusculani 1
Ne fructus huius parochialis beneficii, qui reparandae et ornandae ecclesiae
ac sustentationi coadiutorum et archipresbyteri satis superque sufficiunt,
archipresbiteri incuria ita effuse distrahuntur, ut ne satis quidem relinquatur
unde coadiutoribus stipendia subministrari possint, ob idque cogantur
in maximum 2 animarum periculum damnumque eam curationem deserere
et alio se conferre, reverendissimus episcopus quotannis fructus sequestro
ponat pro summa saltem aureorum 140, quorum 100 attribuantur coadiutorum
stipendio, 40 vero ut praefecti fabricae huius parochialis ecclesiae a
communitate electi securi reddantur de ea portione quam archipresbiter
ipse ex decreto etiam huius visitationis tenetur ad ratam portionem contribuere
impensis, quae tum in reparatione ecclesiae et sacristiae tum in eius
suppellectili ac ornamentis praestabuntur.
Presbyter Georgius de Thomasinis archipresbyter Tremosini ob eius
inhabilitates iam ab anno suspensus, cum ob eius diligentiam et studium
nonnihil in examine profecisse hoc tempore visus sit, ad missam celebrandam
admittitur modo eidem celebranti sacerdos a reverendissimo episcopo
probatus cum superpelliceo semper adsistat et ei coadiuvet, caveat igitur ne
sine eo sacerdote adsistente celebrare praesumat, alioqui suspensionis poena
illi proposita sit.
1
in - Tusculani aggiunto di seguito sulla riga.
2
Corretto su maximiorem.
443