san carlo parte iniziale volume 5 valletrompia.qxd - Brixia Sacra

VALLE SABBIA
sacculis ac purificatoriis. In cappella quae est extra ecclesiam clausam clathris
ferreis ne celebretur et ideo infra unum diem altare tollatur.
Legata et eleemosynae, quae fiunt ecclesiae Sanctae Mariae Auri expendantur
in ornamenta altaris et alia necessaria ipsius ecclesiae per scholares,
liceat tamen aliquid etiam ex dictis eleemosyniis contribuere matrici ecclesiae
parochiali Sancti Silvestri de communi ipsorum scholarum consensu.
In congregatione vel schola regiminis dictae ecclesiae indifferenter assumantur
homines quattuor, villarum subiectarum curae Sancti Silvestri; ita
tamen quod non excludantur homines de Auro ab hoc regimine, neque
etiam a congregationibus Sanctissimi Sacramenti et fabricae ecclesiae parochialis
Sancti Silvestri.
Claves ecclesiae Sanctae Mariae remaneant apud homines Auri, qui propinquiores
sunt dictae ecclesiae. Claves duae fiant sacristiae, quarum altera
apud dictos homines de Auro et altera apud curatum Sancti Silvestri asservetur.
Calices, corporalia et aliae res sacrae collocentur in armariolo in
sacristia, cum sera et clave, quae apud curatum remaneatur.
[f. 923v] In oratorio Sancti Dominici inter villas Vulsani et Pagasii
Claudatur nec celebretur donec altare et bradella ad formam reducantur et
a parte anteriori cancellis ligneis claudatur. Provideatur de cruce, candelabris
et pallio, de aliis item necessariis iudicio vicarii foranei nec ante in eo
non celebretur.
In oratorio Sancti Bernardini Malpaghae sub cura Fameiae
Elongetur altare ad formam et provideatur de cruce, candelabris aeneis et
fiat icona decens. Infra quattuor menses cappella claudatur a parte anteriori.
Crucifixus collocetur, obturetur muro foramen a parte anteriori altaris.
Fenestrae speris tela cerata muniantur. Paries in facie ecclesiae incrustetur
et dealbetur. Oculus supra portam vitreis muniatur infra octo menses. Perficiatur
sacristia iam coepta et in ea fiat armarium pro paramentis, oratorium
et lavatorium, fiat paramentum album et de palliis aliis provideatur.
De corporalibus item et de sacculis ac purificatoriis infra duos menses.
In ecclesia parochiali Sancti Antonii loci Casti
Tabernaculum ligneum panno serico introvestiatur et conopeum decentius
habeat. Pyxis distinguatur omnino a tabernaculo processionum infra men-
213