san carlo parte iniziale volume 5 valletrompia.qxd - Brixia Sacra

BRIXIA SACRA
CARZAGO RIVIERA (CALVAGESE), SAN LORENZO
[Decreta particularia, II, ff. 1047v-1048v
Brescia, XXVII, q. 2, ff. 18v-19v]
[Visita apostolica, V, pp. 361-368]
[f. 1047v] In ecclesia parochiali Sancti Laurentii Carzaghi
Cum haec parochialis ecclesia suppellectili, tum sacrarum vestium, tum
etiam instrumentorum et fabricatione maxime indigeat, populus huius loci
omni pietate et religionis zelo decreta in hac apostolica visitatione sibi
nominatim iniuncta prompte exequatur, quod si eorum nonnulla vel ad
parochum vel ad alios pertinere praetendit, iura sua reverendissimo ordinario
intra mensem exhibeat, qui prout iuris erit decernat, in cuius arbitrium
prorogatio temporis ad ea exequenda hoc decreto reiicitur.
Communitas ipsa impensas omnes, ratione litis pro recuperatione bonorum
quae alienata fuerunt causa erectionis cuiusdam praetensi iuris patronatus
a praefato curato legitime factas, eidem persolvat compensetque [f.
1048r] idque iuxta liquidationem per reverendissimum episcopum faciendam,
ex quibus tamen impensis sic liquidandis exinde ad commodum praefatae
communitatis deduci et compensari debebunt libras 100 planetarum,
de quibus in reverendissimi episcopi Bollani declaratione hocque solum ad
praescriptum sententiae per illustrissimum visitatorem inter eos latae.
Parochus huius loci Carzaghi si quae praeterea quae sententia ab illustrissimo
visitatore lata decreta sunt contra homines communitatis ratione
instrumenti pactorum coram episcopo Bollano initorum aliave de causa
praetendit, deducat coram reverendissimo episcopo legitime cognoscenda
dirimendaque, in reliquis sententia ipsa executioni demandetur 1 . Reverendissimus
episcopus in Ioannem de Matthaeis concubinarium cum Annunciata
de Castellenis sua affine in secundo gradu et Dominicum Arivabenum
concubinarium cum Diana ex Tusculano eius ancilla poenis et mulctis
ex sacrorum canonum iure et concilii Tridentini sanctionibus severe agat ut
a concubinatu omnino abstineant.
In ecclesia Sancti Martini de Larzaga intra fines parochiae Carzaghi
Parochus documenta omnia et informationes quibus probare queat dominum
Alexandrum Rubeum detinere bona [f. 1048v] ecclesiae praedictae
reverendissimo episcopo tradat, qui omni iuris ratione summarie atque
440