san carlo parte iniziale volume 5 valletrompia.qxd - Brixia Sacra

VALLE SABBIA
magis congruum ecclesiae transferatur, et aliud etiam ad formam fiat. Pavimentum
ecclesiae reficiatur infra mensem. Baptisterium vetus, quod non
est in usu, et sacrarium removeantur ab ecclesia infra tres dies, et vas olei
alio transferatur. Parietes ecclesiae cum pariete campanilis adequentur
muro intra ecclesiam a parte sinistra ad introitum portae maioris.
In coemiterio erigatur crux, et claudatur a parte septentrionali, pingatur
imago Sancti Marci super ostium maius ecclesiae. In sacristia fiat oratorium
et fenestrae muniantur vitreis. Provideatur de paramento viride et de
altero violaceo infra quattuor menses. De corporalibus item, et eorum sacculis
diversorum colorum infra mensem. Praeterea comparentur omnia ad
usum huius ecclesiae eiusque sacristiae quae de suppellectili parochialis
ecclesiae in instructionibus commonstrata sunt. Fiat vestibulum ante portam
maiorem et tectum frontispicii ecclesiae promineat ne parietes a pluviis
ledantur infra tres menses.
Schola Sanctissimi Sacramenti huius ecclesiae et schola Beatae Virginis
Mariae Sancti Andreae Barbaini, quae cum [f. 916v] non docuerint de legitima
eorum erectione ab illustrissimo visitatore erecta sunt, regulas ad
usum communem provinciae Mediolanensis edendas observent. Suprascripti
scholares, item Rosarii singulo anno administrationum rationes
curato referant. Et ideo scholares Sanctissimi Sacramenti eleemosynas et
expensas in libro describant in posterum. Capsula eleemosynarum, quae
nomine scholae Sanctissimi Sacramenti in ecclesia fiunt, duabus diversis
clavibus claudatur, quarum altera apud curatum, altera apud scholares
asservetur. Provideant de baldachino ex panno serico infra sex menses, de
laternis astatis item. Ex fructibus huius beneficii perpetuo clericus in habitu
sustineatur, qui missis et aliis parochialibus officiis inserviat.
Curatus maiorem adhibeat diligentiam in observatione festorum, et ut
eorum violatores ad praescriptum canonum et conciliorum provincialium
puniantur, ad vicarium foraneum vel ad ordinarium deferat. In erudiendis
pueris et aliis in doctrina christiana se magis sollicitum et assiduum praestet,
adhibitis etiam in hoc munere aliis operariis iuxta regulas eiusdem
institutionis christianae.
Vicini locorum Levemi, Avenoni et Prati infra duos menses legata
authentica eleemosynarum ordinario exhibeantur; qui provideat ut curati
interventu illis ipsis pauperibus vel aliis etiam personis erogentur, quibus
pie legantium mentes erogari demandare cognoverit.
191