san carlo parte iniziale volume 5 valletrompia.qxd - Brixia Sacra

BRIXIA SACRA
Oratorium Beatae Virginis Mariae in Corneliis, habet unicum altare,
nullos redditus, sed eleemosynas, quarum curam habet deputatus a populo
electus, qui eas in instaurationem et ornatum impendit.
Oratorium Sancti Laurentii cum unico altare sine redditibus; in eo celebratur
semel in hebdomada a curato Provalii Superioris.
[b.] [f. 947v] In ecclesia Sancti Michaelis loci Provalii Superioris
Pyxis omnino distinguatur a tabernaculo processionum. Tabernaculum
ligneum introvestiatur infra mensem. Aliud vas baptisterii, in quo sit locus
distinctus aquae baptismalis et sacrario ad tertiam formam cum ciborio
congruo infra duos annos comparetur et claudatur et integumentum
habeat. Vas autem, in quo nunc est aqua baptismalis, huic vel alteri ecclesiae
usui esse poterit pro aqua benedicta. [f. 948r] Interim ciborium ita aptetur
ut commode aperiri et claudi possit. Vasa oleorum sacrorum asserventur in
ciborio baptisterii. Fiat fenestella ad formam in pariete cappellae a parte
epistolae, ornetur et claudatur et in ea oleum infirmorum asservetur.
Altare maius dilatetur ad formam et bradellae addatur alius inferior gradus,
distans a dicta bradella cubitis tribus, super quo septum ferreum ad
formam statuatur infra sex menses. Obturetur foramen a parte epistolae
cappellae maioris. Altare Sanctissimi Sacramenti cancellis ligneis claudatur.
Feretrum appensum in ecclesia alibi asservetur. Confessionale a cappella
maiori transferatur in patentiorem locum ecclesiae et ad formam reducatur.
In coemiterio locus ossorum operiatur. Erigatur crux in eo et super
portam maiorem ecclesiae pingatur imago sancti Michaelis.
Schola Sanctissimi Sacramenti, cum non docuerit de eius legitima erectione,
erecta est iam nunc ab illustrissimo visitatore servet regulas ad usum
provinciae Mediolanensis edendas, et singulo anno administrationum
rationes vicario foraneo vel cui reverendissimus episcopus mandarit referant
scholares. Clericus in habitu, qui missis et aliis officiis parochialibus
inserviat, a communitate perpetuo sustineatur.
260