san carlo parte iniziale volume 5 valletrompia.qxd - Brixia Sacra

BRIXIA SACRA
mus episcopus prout iuris fuerit quamprimum edicta proponat ac reliquis
de examine et probatione servatis praedictam parochialem conferat. In duabus
missis in hebdomada a parocho alternatim celebrandis in unaquaque
ecclesia Sancti Bartholomei et Sancti Bernardi de Serniga, computentur
missae quas die festo per hebdomadam incidente in eis celebrarit tum si
quando alibi celebrat ad funera evocatus, alias vero duas quae supersunt in
ecclesia Sancti Bernardi ratione legatorum, ut constitutum fuit, celebret.
Longitudo horti archipresbytero concessi quae ex decreto alias edito
usque ad viam publicam produci poterat, ipsius horti septum vetus non
excedat ut deinceps in instrumento erectionis parochialis Sancti Bartholomei
de assensu ipsius archipresbyteri constitutum fuit. Populus Sancti
Bartholomei festum Visitationis Beatae Mariae Virginis et XXV diem cuiuslibet
mensis observet, ut voto publico se obligavit, et contra eorum violatores
praeter poenas ab ipso populo constitutas vicarius foraneus aut reverendissimus
ordinarius ad praescriptum canonum severe procedat.
[f. 1055v] In ecclesia Sancti Bernardi fratrum Minorum
Onera et emolumenta altarium Crucifixi et Sancti Marci ad altare Sancti
Bonaventurae iam nunc transferuntur.
In ecclesia Sanctae Mariae fratrum Carmelitarum
Reverendissimus episcopus scholam Sanctae Mariae visitet et administrationis
rationes recognoscat quotannis ad concilii Tridentini praescriptum.
FASANO (GARDONE RIVIERA), SANTI FAUSTINO E GIOVITA
[Decreta particularia, II, f. 1055v
Brescia, XXIII, q. 1, ff. (14-15)]
[Visita apostolica, VI, pp. 13-17]
[f. 1055v] In ecclesia parochiali Sanctorum Faustini et Iovitae Fasani
Quod de sustinendo clerico sumptu populi aliis decretis iam editis iussum
fuit, ideo usque a populo praestari debere intelligitur quousque reditus annui
certi huius parochialis beneficii aureos quinquaginta communi extimatione
excedant. Spatium temporis, intra quod decreta praestanda erant, ad duos
annos prorogatur ad petitionem populi, qui post peractam visitationem praedictae
parochialis ad augendos eius reditus plurimum tempus contulit.
454