san carlo parte iniziale volume 5 valletrompia.qxd - Brixia Sacra

VALLE SABBIA
Idro, Santa Maria
[a. Acta visitationis, ff. 685v-689r
Brescia, XXXIII, f. 35v-39r
U. VAGLIA, Storia della Valle Sabbia. Documenti, II, Brescia 1970 2 , pp. 132-139]
[b. Decreta particularia, ff. 902r-909r, 1055v
Brescia, XXV, ff. 49r-54r; XXXV, ff. 221r-227r]
[a. CHIESA PARROCCHIALE DI SANTA MARIA DI IDRO]
[f. 685v] Die quinto maii
Visitavit parochialem ecclesiam archipresbyteratum nuncupatam Sanctae
Mariae loci Hidri, et deinceps intra eius fines infrascriptas ecclesias, cappellas,
oratoria, scholas et pia loca. Consecratam ut creditur in qua compertum
est quod Sanctissimum Sacramentum non [f. 686r] asservatur.
Baptisterium vetus et incongruum. Altaria quinque, videlicet altare maius,
et alia quatuor indotata. Coemiterium parietibus septum. Sacristiam.
Domus parochialis ecclesiae est annexa et satis ampla, quae quidem domus
et ecclesia ab aedibus populi et a reliquis habitationibus spacio milliaris
unius distant, interposito etiam lacu Hidri, qui quandoque ob aquarum
inundationes impedit ne populus ad sacramenta percipienda et ad divina
audienda in dicta ecclesia convenire possint.
Redditus annui sunt aureorum 200 vel circa. Dicto archipresbyteratui
unitus fuit clericatus alius huius ecclesiae. Competebat olim ius decimandi
seu quarantulandi territorium Trivisii verum relaxatum fuit sub parva quadam
praestatione annua in maximum damnum ipsius ecclesiae. Animae
1500, quae sacram communionem sumunt 700 vel circa. Delinquitur maxime
in violatione festorum in mercatibus. Doctrina christiana nulla exercetur.
Titularis est presbyter Marcus Antonius de Mazolis annorum 70. De
titulo beneficii docuit, de ordinibus item, preter quam de quatuor minoribus,
et de prima tonsura. Tolerabilis scientia in munere parochi, quo fungitur.
Avaritiae notatus 1 .
Clericum non habet, in aedibus parochialibus suprascriptis habitat.
Idem titularis, ut ex antiqua consuetudine compertum est teneri, coadiutorem
in hac cura animarum conducit [f. 686v] ex fructibus beneficii, et nunc
est presbyter Sebastianus de Comendonis annorum 26. De ordinibus
153