san carlo parte iniziale volume 5 valletrompia.qxd - Brixia Sacra

SALÒ
rum in coadiutoralem curae, auctoritate apostolica accedente et non aliter
propter prohibitionem quae est in legato fundationis, erigitur.
Capellani residentes in hac ecclesia qui ex legato presbyteri Ioannini de
Gobis percipiunt ducatos sexdecim vel circa anno cum onere missae quotidianae
ad altare suprascriptum Sancti Antonii de Padua nec oneri satisfacere
possunt, cum unusquisque [f. 953v] eorum teneatur in proprio altari quotidie
celebrare, per ordinarium 5 cogantur ad satisfactionem etiam de praeterito
vel potius onus missae ad rationem mercedis ex decreto concilii Tridentini
per eundem ordinarium reducatur commuteturve attento et munere divinorum
officiorum et paucis redditibus residentiae. Quae vero merces ob non
praestitum munus missarum exigetur in structuram ornamentorum et paramenta
capellae, ut supra construendae, ut supra expendatur.
Altare Sancti Hieronimi destruatur et capella reficiatur cum constructione
capellae in eodem loco ad formam praescriptam. Legatum Ludovici Segalae
cum onere trium missarum in hebdomada et legatum Hieronymi de Segalis
pro augumento dotis dicti altaris ut in eo quotidie celebretur iam nunc
uniuntur et coram ordinario per eos de Segalis, ad quos spectat, agatur et
etiam ex officio ipse summarie procedat contra retinentes ficta huic altari
debita nomine legati suprascripti Ludovici et quicquid exigetur in fabricam
et ornatum capellae suprascriptae extruendae ad formam, tum deinde in
paramenta expendatur. Quod si aliter dictam cappellam fabricari contingerit
aut legatum domini Pauli de Segalis factum oratorio Sanctae Crucis de communi
de Fleno ad hoc altare in totum vel in parte transfertur ita ut etiam
expensis dicti legati [f. 954r] domini Pauli cappella suprascripta construatur
et quicquid nomine legati per Ludovicum suprascriptum conditi, ratione
temporis praeteriti non soluti exigetur, fundus ematur quo augeantur proventus,
ut pro dicta missa quotidiana ex duobus legatis ut supra unitis celebranda
satis esse possint omnino, si quid deerit pro sufficienti mercede
sacerdotis quotidie celebrantis reverendissimus episcopus reducat onus pro
ratione reddituum ex facultate sibi etiam a concilio Tridentino data.
Altare Sanctissimae Trinitatis per presbiterum Valerium Calzonum eiusdem
altaris cappellanum honorifice ratione legati Francisci Calzoni, in
eodem loco reedifecetur ita ut ille in visitatione ex publico instrumento promisit,
cappellam prominentem ad formam cum altari intra duos annos in
calendis decembris proxime finiendis extruatur et ornamenta eiusdem intra
duos alios annos sequentes compleat. Ad altare suprascriptum iam nunc
299