san carlo parte iniziale volume 5 valletrompia.qxd - Brixia Sacra

SALÒ
sacerdos sit amovibilis ad nutum dictae scholae et missae minui non possint;
de praesenti redditus annui sunt librarum 16.
Item dotatum est nonnullis bonis stabilibus, quorum annui redditus
sunt librarum 65 a presbytero Christophoro de Porta in suo testamento
disponente dicta bona possideri debere a sacerdote qui sit ex descendentibus
sororum dicti testatoris cum onere celebrandi quotidie, exceptis duobus
ferialibus in hebdomada, quodque sacerdos non absit a loco Salodii,
nec a dicta celebratione cesset nisi urgenti causa a dicta communitate
approbanda, quae tamen ultra duos menses cum non impediat, quod si ab
infirmitate detineretur alium sacerdotem, ut supra celebrantem statuat, et
si in his sacerdos defecerit eum communitas [f. 712v] privari possit, quodque
neque summus pontifex aliusve ecclesiasticus aut laicus communitatem
a suprascriptis exequendis perturbare possit, nec aliter bona ipsa quovis
modo a communitate alienari. Redditus dictorum annuatim sunt ducatorum
25. Cappellanus est presbyter Petrus Bertellus, qui dictos redditus
percepit, ac etiam redditus suprascripti Nicolai Martiani, et quotidie celebrat.
De ordinibus docuit, scientia vix tolerabilis in munere suo simplicis
cappellani. Bonae vitae ut dicitur, habitat in aedibus laicalibus.
Altare Sancti Georgii habet cappellaniam de iure patronatus, ut dicitur,
communitatis dicti loci, cum onere missae quotidianae et coadiuvandi personaliter
archipresbytero in cura animarum, pro ut a dicto archipresbytero
requisitus erit, ut patet collationibus instrumento cappellae Sancti Stephani
ad favorem presbyteri Francisci Zanetti anno 1572 die 20 ianuarii a reverendissimo
Bullano factae. Redditus annui sunt ducatorum sexaginta. Titularis
est presbyter Cato Bollanus annorum 90, qui de ordinibus, et de titulo
docuit. Scientia vix tolerabilis pro celebratione missarum, habitat in
aedibus propriis et cetera.
[f. 713r] Altare Sancti Michaelis dotatum a Iustachino de *** aggravante
communitatem dicti loci uti haeredem 2 ad dandam ex redditibus dictae
haereditatis honestam sustentationem cappellano qui quotidie celebret, et
clericum sibi inservientem habeat. Communitas ratione dicti legati annuatim
solvit cappellano ducatos 52. Cappellanus amovibilis nunc est presbyter
Antonius Travallus annorum 55, de ordinibus docuit, praeterquam de
prima tonsura. Scientia tolerabilis in munere suo, bene cantat. Bonae vitae,
ut dicitur. Habitat in aedibus patrimonialibus. Clericum habet, qui est Paulus
eius nepos annorum 17, bonae spei.
275