san carlo parte iniziale volume 5 valletrompia.qxd - Brixia Sacra

SALÒ
struatur, ornetur, sepiatur et integumentum habeat intra annum. [f. 969v]
Fenestra rotunda in pariete, quae super ipsum altare construenda responderet
muro obturetur. Scala lapidea per quam campanile ascenditur et
ecclesiam impedit, ubi constructa sit alia sacristia, omnino tollatur. Fenestra
maior supra portam ecclesiae adamplietur et vitreis muniatur intra
duos menses, parietes ecclesiae dealbentur termino suprascripto.
In sacristia provideatur de corporalibus et eorum sacculis diversorum
colorum, item de vase pro abluendis corporalibus intra mensem. Fiat paramentum
16 viridis coloris intra sex menses per eos ad quos spectat ratione
legati Frassini de Frassinis, de sacerdote idoneo intra quindecim dies provideatur,
qui in dicto oratorio quotidie 17 celebret. Vicini huius oratorii ex
fructibus bonorum stabilium per Petrum de Ogna cessis et ex reditu librarum
decem, quae eidem viciniae nomine dicti oratorii solvuntur singulo
anno per Aloisium 18 Maffiolum tum etiam ex collectis inter ipsos perseverent
in contribuendo congruum stipendium sacerdoti qui quotidie celebret
in dicto oratorio ultra alios duos sacerdotes deputandos, alterum per illos
de Frassinis ut supra et alterum per communitatem ratione legati Andreae
Bordegatii. Quam primum vicini huius ecclesiae coram ordinario agant
contra Andream et Iulium fratres de Galatiis qui summarie et ex officio et
tanquam [f. 970r] executor ultimarum piarum voluntatum procedat pro
solutione totius temporis praeteriti ratione legati quondam Petri de Galatiis
librarum 15 in anno pro celebratione tot missarum in dicta ecclesia.
In oratorio et schola Sancti Bernardini Disciplinatorum
Altare ligneum, lateritium fiat, et ad parietem qui a tergo est transferratur
nec ante in eo celebretur. Capella dealbetur et pingatur et eius fenestra
vitreis muniatur intra tres menses, foramen sub arco capelle muro obturetur.
Crucifixus super trabe ubi alias erat collocetur. Altare Beatae Virginis
Mariae indotatum et nimis angustum tollatur intra dies tres 19 . Fenestra
rotunda chori superioris ab imo eiusdem ad medium usque muro obturetur,
reliquum autem vitreis ita firmiter claudatur ut a vicinis introspici non
possit. Intra mensem fiat labrum aquae benedictae magis decens. Sacristia
capax intra annum construatur.
Suprascripta schola Disciplinatorum huius oratorii cum non docuerit
de legitima eius erectione, erecta est iam nunc ab illustrissimo visitatore, [f.
970v] servet regulas ad usum provinciae Mediolanensis editas et admini-
317