san carlo parte iniziale volume 5 valletrompia.qxd - Brixia Sacra

RIVIERA DEL GARDA
episcopi Brixiensis cum aliquibus probis ab eo delectis, cum autem venerit
dies vigiliae Sancti Petri ad Vincula proximi anni, tunc accedat ipse reverendissimus
episcopus Brixiensis aut eo impedito eius vicarius generalis et,
adhibitis etiam aliis gravibus sacerdotibus et piis viris, coram se destrui
iubeat fornicem illam, murumque qua circundata arca, arcamque aperiri,
quod si in arca tanta copia aquae reperta fuit, ut verisimiliter ex sola humiditate,
aut [f. 884v] natura saxi illius saricei non potuerit congregari, iterum
evacuetur et ossa similiter purgentur et adhibeant custodes graves et omni
fide dignos, qui per totam noctem et diem festum Sancti Petri vigilent et
illam custodiant, quod si aquam eo facto manare videbunt, confecto de ea
processu diligenti rem omnem deferat ad proximum provinciale concilium
ac sinodali nomine de eo consulatur sanctissimus pontifex romanus, si vero
nec in aperienda arca nec illa nocte aqua vere manare compertum erit, ossa
in ecclesia illa sepeliantur, arca item sub pavimento ecclesiae occultetur loco
qui populo incognitus sit et interim donec omnia fiant nec admittantur
homines ad orandum ante arcam, sed fenestra muro claudatur et ostium clave,
quae clavis penes reverendissimum episcopum et eo absente penes eius
vicarium generalem asservetur. Cappellae vero, quae eo in loco construendae
sunt non construantur donec experimentum hoc factum fuerit.
In oratorio Sancti Rochi Liani
Oratorium parvum Sancti Rochi loci Liani protrahatur versus viam publicam,
et a parte anteriori muro claudatur et ornetur, et ubi altare et oratorium
de necessariis provisa fuerint, iudicio ordinarii in eo celebrari poterit.
[f. 885r] In ecclesia Ascensionis Domini Nostri loci Volsani
Cappella clathris ferreis claudatur infra sex menses. Altare Ascensionis
vetus tollatur infra tres dies. Altare Sanctissimi Sacramenti tollatur vel
ornetur, et claudatur cancellis ligneis. Labium aquae benedictae fiat infra
mensem. Coemiterium, quod est a parte epistolae cappellae maioris, altiori
muro claudatur infra quindecim dies. In sacristia de corporalibus et
eorum sacculis, de purificatoriis item et vase pro eorum ablutione provideatur.
Vicini huius oratorii, qui sunt numero circiter 400 et distant a parochiali,
cum assignatione librarum viginti ratione clericatus seu cappellaniae
dicti oratorii sine tamen praeiudicio obtinentis et cum legatis pro celebratione
missarum in suprascripto oratorio hactenus factis, accedente etiam
113