san carlo parte iniziale volume 5 valletrompia.qxd - Brixia Sacra

SALÒ
Presbyter Franciscus Bonisellus annorum 44. Cappellanus amovibilis
monialium Sancti Benedicti loci Salodii cum mercede annua librarum 30 et
victi et habitatione, de ordinibus docuit, sed non de licentia celebrandi in
ecclesia monialium, tolerabilis scientia in munere suo. Bene [f. 719v] audit,
et habitat in aedibus monialium monasterio earum annexis. Gabriel Braga
diaconus annorum 25, de ordinibus docuit, scientia habilis ad audiendas
confessiones, bonae vitae ut dicitur. Habitat cum archipresbytero in suprascriptis
aedibus parochialibus.
Apollonius Pigezius subdiaconus annorum 24, de ordinibus docuit,
praeterea quam de prima tonsura. Scientia tolerabilis pro sacerdotio. Bonae
spei, habitat in aedibus paternis. Ioannellus de Milliis subdiaconus annorum
23, de ordinibus docuit, scientia tolerabilis et studio proficiet si
incumbet. Bonae spei, habitat in aedibus paternis. Hieronymus Mazollenus
subdiaconus annorum 30, de ordinibus docuit, scientia tolerabilis ac
bonae spei et vitae, habitat in aedibus paternis. In praedicto clero ut plurimum
est otium et nullae exercitationes spirituales literalesve comunes.
Animae 5500 et ex his quae sacram eucharestiam sumunt 4000, vel circa.
Compertum est in visitatione vigere usum in predicto loco Salodii et aliis
totius Riperiae locis ob olei et piscium commoditatem abundantiam ne quadragesimae
diebus vigiliis, et quatuor temporibus, butirum et lacticinia aliasque
eo tempore vetitos cibos non permitti. [f. 720r] Non servatur bulla
felicis recordationis Pii V de tradendo egrotis testimonio confessionis a
confessariis. Delinquitur a populo in violatione festorum maxime circa
nundinas, confectiones instrumento etc. et processum etc. Processiones a
scholaribus publice fiunt cum cruce sine licentia archipresbyteri. Representationes
in processione solemnitatis Sanctissimi Corporis Christi fieri pre
foribus aedium dictum est, et quod in eadem processione per altaria lignea
Sanctissimum Sacramentum circumfertur recedendo a recta via per quam
deducenda esset processio. Conciones in funeribus a laicis habentur.
Concubinarii sunt: Petrus Cremensis cum Dominica Bulgarina, qui
promisit sub poena aureorum 50 et excomunicationis in subsidium dictam
Dominicam dimittere. Simon Veronensis cum Maria de ***, Hieronymus
Pasius cum Catharina de ***, quibus omnibus factum fuit praeceptum ut
sub poena aureorum 50 et excomunicationis in subsidium dictas concubinas
omnino missas faciant. Marcus de Barbis uxoratus adulter cum Catharina
de Pompagnis, cui factum fuit praeceptum quatenus sub excomunica-
283