san carlo parte iniziale volume 5 valletrompia.qxd - Brixia Sacra

DECRETI AGGIUNTI
ARTOGNE, SANTI CORNELIO E CIPRIANO
[Decreta particularia, II, ff. 1032r-v
Brescia, XXIV, q. 18, ff. 218v-219r]
[Visita apostolica, IV, pp. 371-385]
[f. 1032r] In ecclesia Sanctae Iuliae loci Plani Vallis Camonicae
Reverendissimus ordinarius quamprimum recognoscat dimembrationem et
separationem factam per moniales Sanctae Iuliae civitatis Brixiae bonorum
parochialis ecclesiae Sanctae Iuliae cum erectione ecclesiae Sanctae Mariae
in coadiutoriam, adiuncto onere pro tempore rectori eiusdem ecclesiae
Sanctae Mariae ibidem missas celebrandi et sacramenta ecclesiastica ministrandi;
quam si legitime factam esse ac iuribus subsistere compererit, cogat
rectorem modernum ad ibidem residendum et missas ac munera parochialia
obeunda ex dictae dimembrationis praescripto. Praetereaque fructus et
reditus sequestro positos, quos ob non factam residentiam et defectum
celebrationis missarum suos non fecit, eidem ecclesiae adiungat in executionem
decretorum visitationis insumendos. Si vero dimembrationem et
separationem [f. 1032v] eiusmodi iuribus non subsistere ac nullam et nulliter
factam esse cognoverit, si magis expediens iudicarit ne divinus cultus
diminuatur, ecclesiam eandem Sanctae Mariae cum omnibus suis bonis iuribus
ac reditibus in coadiutoralem erigat constituatque eo in loco sacerdotem
idoneum qui missas saltem omnibus diebus dominicis et festis in
eodem loco celebret, sacramenta administret ac semper resideat ad praescriptum
concilii Tridentini, vel bona ipsa et reditus omnes parochiali ecclesiae
restituat cum onere parocho praesenti ac pro tempore futuris coadiutorem
praevio examine ab episcopo probatum semper retinendi, qui missas
celebret et in munere parochiali parochum coadiuvet.
FRAINE (PISOGNE), SAN LORENZO
[Decreta particularia, II, ff. 1032v-1033r
Brescia, XXIV, q. 18, f. 219v]
[Visita apostolica, IV, pp. 391-396]
[f. 1032v] In ecclesia Sancti Laurentii parochiali Fraini
Reverendissimus episcopus onus missae quotidianae a presbytero Francisco
de Baldellis testamento legatum cum exigui reditus sit, in proxima diocesana
417