san carlo parte iniziale volume 5 valletrompia.qxd - Brixia Sacra

DECRETI AGGIUNTI
ti periti iudicio praestentur. Presbyter Petrus Bertoldus cappellanus Sancti
Antonii abbatis instrumenta emphiteotica et alienationes bonorum dictae
cappellae infra mensem reverendissimo ordinario exhibeat, qui summarie et
ex officio etiam ad rescisionem contractuum, si minus legitime confectos
repererit, prout iuris erit, procedat. Hoc idem praestetur in altera portione
suprascriptae cappellae Sancti Antonii quam possidet presbiter Cominus.
Cappellani Sanctorum Stephani et Georgii et alii quibus onus coadiuvandi
archipresbytero imminet, noverint se quoque ipsi residentiae lege
teneri, quo defuerint pro ratione absentiae ad praescriptum concilii Tridentinis
et provincialem, [f. 1054v] fructibus mulctentur fabricae ecclesiae
applicandis, quod si etiam ex causa aliquando etiam brevi tempore abesse
contigerit abeundi facultatem scriptam absentiaeque probationem facultatemve
impetrent a reverendissimo ordinario aut ab eo cui ille demandarit
sub poenis eodem Tridentino concilio praescriptis si contravenerint. Reliqui
vero huius ecclesiae cappellani de opportuna facultate obeundi cum
praefecto ecclesiae agant, si vero ultra octo dies abesse voluerint cum episcopo
agant, qui animadvertat ne ob absentiam cappellanorum ecclesia
debito servitio et ordine missarum ac officiorum careat.
Quae ob praetermissum missarum munus in altari Sanctae Catharinae
quovis modo debentur si cappellae construantur, ut iam constitutum est,
non sufficient subtrahere, liceat etiam ab eo servitium missarum ad aliquot
menses, ut ea cappella omnino perficiatur. Altaris Sancti Ioseph onera et
emolumenta, schola item, quae prioribus decretis ad altare Sanctissimae Trinitatis
translata fuerunt iam nunc ad altare Sancti Stefani transferuntur
eique schola praedicta unita est ad preces tum scholarium tum titularis
etiam ipsius altaris Sancti Stephani et facultas scholaribus conceditur sepulturam
construendi ad formam ante cappellam Sancti Stephani extra septum
eiusdem loco a reverendissimo episcopo eiusve deputato visitatore approbando.
Cappellanus coadiutor archipresbyteri in celebrandis missis in hac
ecclesia ordinem tabellae missarum, ut consuevisse compertum est, servet.
[f. 1055r] In ecclesia Sancti Bartholomei supra Salodium
Cum tempus a iure statutum iam elapsum sit, nulla ab archipresbytero Salodii
facta electione rectoris in parochiali ecclesia Sancti Bartholomei supra
Salodium iam ultra annum vacante et populus de damnis spiritualibus, quae
ob pastoris carentiam in dies experitur graviter conquestus sit reverendissi-
453