san carlo parte iniziale volume 5 valletrompia.qxd - Brixia Sacra

VALLE SABBIA
Sanctissimum Sacramentum ante quod lampas impensis scholae assidue elucet.
Baptisterium, sed inornatum. Altaria quatuor, videlicet altare maius
cum schola Sanctissimi Sacramenti, altare Beatae Virginis Mariae in quo ex
legato domini Bartholomei Soldi communitas huius loci habet onus missae
in singula hebdomada, alia duo altaria indotata. Coemiterium in [f. 698v]
quo est domus in qua ad consilia publica convenit populus. Sacristiam.
Domus parochialis ecclesiae annexa est. Fabricat et ornat populus ecclesiam
ex collectis. Redditus nullos stabiles habet, sed cum a parochiali ecclesia
Savalli, cuius membrum esse dicitur, duobus milliaribus distet, de consensu
archipresbyteri Savalli incolae huius loci ab ordinario baptisterium constituendi,
Sanctissimum Sacramentum osservandi in dicta ecclesia, praeterea
etiam sacerdotem sumptibus suis conducendi, qui missas celebret et munia
parochialia peragat, cui annuatim tum ex eleemosynis scholae tum ex contributionibus
adnumeratis etiam nonnullis legatis dantur ducatorum 50.
Cappellanus amovibilis est presbyter Ioannes Maria de Honechis annorum
36, qui de ordinibus docuit, sed non de licentia curam exercendi, bene
audit, scientia tolerabilis in munere cappellani tantum, sed non curati,
habitat in suprascriptis aedibus sacerdotalibus. Animae 650 quae sacram
comunionem sumunt 350 vel circa.
Schola Sanctissimi Sacramenti erectione et regulis caret, habet redditus
5 librarum in anno ex duobus legatis, item eleemosynas annuas quae sunt
librarum circiter 30 planetarum, ex quibus cerei ad usum Sanctissimi Sacramenti
et oleum comparantur. Regitur a duobus massariis [f. 699r] qui singulo
anno mutantur vel confirmantur. Administrationum rationes coram
curato redduntur.
Die suprascripta
Visitavit ecclesiam Santi Laurentii loci Aloni, membrum parochialis suprascripti
loci Savalli, in qua cura animarum exercetur ut infra. Consecratam ut
creditur, in ea Sanctissimum Sacramentum ante quod impensis scholae lampas
assidue ardet. Baptisterium non ad formam. Altaria quatuor, videlicet
altare maius, altare Beatae Virginis Mariae cum schola, et alia duo indotata.
Coemiterium clausum. Sacristiam. Domum parochialem ecclesiae
annexam. Ex contributionibus populus ecclesiam reparat, ac de ornamentis
et supellectilibus providet. Redditus nullos habet stabiles, sed ex collectis
populus stipendium curato contribuit annuatim librarum 120 planetarum.
205