san carlo parte iniziale volume 5 valletrompia.qxd - Brixia Sacra

BRIXIA SACRA
trio etc., amplius conversationem aliquam non habere cum dicta appellata
la Soldadella et pro praemissis idoneam fideiussionem praestare obtulit in
manibus vicarii foranei Prati Alboini. Baptista Boninsegna concubinarius
cum Iulia de Benis qui cum ea nullum commercium habiturum esse promisit
sub poena scutorum 30 et excommunicationis in subsidium et pro eo
fideiussit dominus Christophorus Loda, filius quondam Francisci habitator
Manerbii. Reverendissimus episcopus poenis et censuris ex sacrorum
canonum iure et concilii Tridentini sanctionibus agat in dominum Thomam
Cazzolum filium domini Bernardini concubinarium cum Catharina
uxore Ioannis Antonii Testae, ac dictam Catharinam, ut a concubinatu et
adulterio abstineant.
PAVONE MELLA, SAN BENEDETTO
[Decreta particularia, II, ff. 984v-985v
Brescia, XXVII, q. 1, ff. 7r-8v]
[Visita apostolica, II, pp. 117-119]
[f. 984v] In ecclesia Sancti Benedicti loci Pavoni
Rector per se ipsum curam animarum exerceat, sacramenta omnia et praesertim
ad infirmos ministret, quotidie celebret vel saltem die dominico
festis diebus et ter in [f. 985r] hebdomada ad praescriptum concilii provincialis.
Coadiutor sit perpetuo in hac ecclesia qui curam animarum exerceat
et quotidie celebret divinisque intersit, assignata ei congrua portione ex
fructibus ecclesiae ordinarii iudicio. Parochus pulset campanas cum celebraturus
erit, nec non summo mane, meridie et sero salutationem angelicam.
Communitas seu homines praestent singulis annis cereum paschale
cum tribus illis candelis nec non incensum iuxta eorum laudabilem consuetudinem.
Rector in posterum non personam laicam sed ecclesiasticam
in sacris constitutam mittat Brixiam pro sacris oleis, suis impensis.
Consanguinei mortuorum notam scripto faciant presbyterorum et personarum
religiosarum, quas exequiis interesse volunt et rectori subscribendam
tradant illosque vocari curent. Campanae fiant et reconcinnentur et
etiam funes comparentur impensis universitatis, iuxta etiam eius laudabilem
et religiosam consuetudinem. Cappellanus mercenarius Sancti Rochi,
si intra fines huius parochiae resederit habitaveritve omnibus diebus festis,
344