san carlo parte iniziale volume 5 valletrompia.qxd - Brixia Sacra

VALLE SABBIA
In oratorio Sancti Petri
Oratorium Sancti Petri infra quindecim dies tollatur et materia applicetur
fabricae ecclesiae Sanctae Mariae in Arce, situs vero sit parochialis beneficii.
In oratorio Sancti Ioannis Baptistae Pavoni
Altare et bradella reducantur ad formam infra octo dies. Claudatur a parte
anteriori cancellis ligneis infra duos menses. Fenestella a parte evangelii in
cappella et quae item est super ostium sacristiae infra tres dies obturentur.
Provideatur de cruce, candelabris aeneis infra mensem. Incrustentur et dealbentur
parietes campanilis in ecclesia prominentes. Assidibus bene compactis
ecclesia soffitetur infra duos menses. Seris et clavibus portae claudantur
nisi cum ad usus ecclesiasticos patere debeat oratorium. Altare sub porticu
extra ecclesiam infra quinque dies tollatur. [f. 945r] Septum coemiterii reparetur
ubi collapsum est. E coemiterio tollantur arbustae et donec amotae
fuerint in eo ne sepeliatur et in ipso erigatur crux. In sacristia fiat oratorium
et lavatorium. Paramentum album infra duos menses comparetur. Provideatur
de purificatoriis et de corporalibus et de sacculis eorum infra mensem.
Curatus Sabii perseveret in celebratione missae unius singula hebdomada in
hoc oratorio, ubi tamen de suprascriptis provideatur altare expensis populi.
In oratorio Sancti Martini Sabii Superioris
Cornices iconae altaris maioris pingantur et ornentur. Bradella redigatur ad
formam suppositis duobus gradibus lapideis infra mensem. Cappella maior
dealbetur et pingatur. Fenestra super ostio sacristiae muro obturetur omnino
infra 3 dies. Superior gradus cappellae nunc lateritius fiat lapideus et super eo
figantur clathra ferrea infra sex menses. Altari Sancti Rochi fiat icona. Bradellae
supponatur gradus lapideus, qui tamen a parte anteriori bradellae ab ipsa
distet per cubitos duos et super eo figantur clathra ferrea. Integumentum
decens habeat infra sex menses. In sacristia fiat oratorium et lavatorium. Pavimentum
suppositis fornicibus elevetur propter humiditatem. Paramentum
album comparetur. Fenestrae vitreis muniantur infra quattuor menses. [f.
945v] Perseveret curatus in celebratione duarum missarum singula hebdomada,
prout ex consuetudine teneri compertum est in hac ecclesia.
1
Aggiunto in interlinea; cum cancellato.
2
Segue octo dies cancellato.
3
Sorce nel testo.
257