san carlo parte iniziale volume 5 valletrompia.qxd - Brixia Sacra

VALLE SABBIA
Cum presbytero Baptista Barberio rectori huius ecclesiae, propter onus
quo premitur annuae pensionis, non satis relinquitur unde vitam suam coadiutorem
et clericum sustentet, nedum ecclesiam reparare suppellectilique
instruere aliaque pro divino cultu parochialibusque muneribus necessaria
providere possit. Idcirco auctoritate apostolica nominatim etiam [f. 921v]
delegata decernitur ut reverendus dominus Achilles Concius, cui ex fructibus
ecclesiae annua pensio aureorum 60 attributa est, ad ea praestanda quae
de ecclesiae reparatione ac de suppellectili conficienda mandantur, ex pensionis
eiusdem fructibus hoc anno aureorum 12 conferat et deinceps singulo
anno per sex annos proxime futuros octo aureos contribuat; quam
quidem pecuniae summam titularis auctoritate huius decreti apud se singulis
annis retineat, eamque syndicis curatoribus vel ecclesiae nomine
communitatis deputatis, si qui sunt, vel praefecto seu thesaurario scholae
Corporis Christi in suprascripta exequenda impendenda tribuat sub poena
dupli et aliis poenis etiam suspensionis arbitrio ordinarii.
Scholares 2 Sanctissimi Sacramenti et Beatae Virginis Mariae, quae cum
non docuerit de legitima erectione, iam nunc ab illustrissimo visitatore erecta
est, regulas observent ad usum communem provinciae editas et scholares 3
singulo anno administrationum rationes coram archipresbytero reddant.
Deputati Montis pietatis infra duos menses erectionem Montis a reverendissimo
episcopo regulasque quas observent, obtineant, perseverent autem in
dandis calculis et in eligendis officialibus coram archipresbytero. Summarie
agatur contra non solventes legata scholae Beatae Virginis Mariae et Sanctissimi
Sacramenti et huic Monti et cum iis ipsis ea observent confessarii, quae
a reverendissimo episcopo in cedula casuum reservatorum tradita sunt.
Vicarius foraneus pro tempore loco Savalli maiorem adhibeat diligentiam
in festorum observatione et contra eorum violatores ad praescriptum canonum
et conciliorum provincialium severe procedat. In erudiendis pueris et
aliis in doctrina christiana archipresbyter [f. 922r] et eius coadiutor quam
poterint assidue solliciti sint adhibitis etiam secum aliis piis viris, qui in hoc
munere adiumento etiam esse poterint ad praescriptum regularum institutionis
christianae, ad quos etiam quandoque spirituales sermones habeant.
In ecclesia Sancti Silvestri parochiali loci Fameiae
Operculum pyxidis argentetur et ipsa et tabernaculum processionum reducantur
ad formam. Basis tabernaculi decenter pingatur infra mensem. Bap-
211