san carlo parte iniziale volume 5 valletrompia.qxd - Brixia Sacra

BRIXIA SACRA
est, in ea archipresbyter habitat. Fabricae et reparationis ac ornamentorum
ecclesiae curam habent octo deputati, qui a communitate singulo
anno mutantur, et in hac [f. 718v] omnia ex publico aere impendunt. Concionator
singulis annis a communitate conducitur, cui archipresbyter
ducatis sex contribuit.
Organista item cum annua mercede ducatorum 36. Laici etiam duo,
campanarii nuncupati, qui curant horis debitis sono campanarum signa dandi
missarum et aliorum officiorum divinorum, cum annua mercede ducatorum
sex pro singulo eorum. Redditus annuus huius archipresbyteralis ecclesiae
beneficii est ducatorum 200.
Titularis est presbyter Iacobus Pandolfinus annorum 64, de ordinibus et
de titulo docuit. scientia habilis in munere suo. Bonae vitae. Clericum
habet et habitat in suprascriptis aedibus, est etiam vicarius foraneus. Praeterea
ex antiqua consuetudine tenetur coadiutorem sacerdotem habere in
cura animarum, qui etiam missas celebret iuxta ordinem cuiusdam tabellae
missarum comunem aliis celebrantibus in dicta ecclesia, at nunc presbyter
Petrus Bertholdus cappellanus Sancti Antonii ei coadiuvat in sacramentis
ministrandis. At missas celebrat cum mercede annua ducatorum 25 presbyter
Iulius Paxius annorum 28 qui de ordinibus docuit, scientia habilis ad
brevi proficiendum usque ad audiendas confessiones. Bonae vitae ut dicitur,
et in aedibus paternis habitat. [f. 719r] Sub hac parochiali ecclesia
infrascripti ecclesiastici et sacerdotes etiam adsunt, videlicet.
Presbyter Stephanus Bertazolus annorum 75, qui confessiones monialium
Sancti Benedicti loci virginum Sanctae Ursulae et viduarum Sanctae
Annae de licentia reverendissimi episcopi audit. De ordinibus docuit, habilis
et scientia sacrarum literarum et theologiae instructus, sermones habet
de licentia eiusdem reverendissimi episcopi ac exorcistae officium, in quo
quidem est peritus, exercet. Pius et probatae vitae in aedibus paternis habitat,
et ex devotione plerisque diebus celebrat.
Presbyter Anselmus *** annorum 57, de ordinibus et de facultate concionandi
docuit, scientia facultatis theologicae instructus, sermones habet
ad populum, vir pius et bonae vitae, ex devotione plerique diebus celebrat,
in aedibus paternis habitat. Presbyter Hieronimus Pedracius, iuris utriusque
doctor, annorum 60, de ordinibus docuit, ex devotione celebrat.
Nobilis aptus ad regimen, laicorum conversatione deditus, in reliquis bene
audit, et in aedibus paternis habitat.
282