san carlo parte iniziale volume 5 valletrompia.qxd - Brixia Sacra

BRIXIA SACRA
mensem. Altare Beatae Virginis Mariae et altare Sancti Rochi infra tres dies
tollantur et eius onera, si quae habent, et emolumenta ad altare maius transferantur.
Altare Sanctissimi Sacramenti sepiatur et eius bradella ad formam
reducatur. [f. 925v] Tollantur omnia indecentia a tergo altaris. Provideatur
de cruce aenea et candelabris infra duos menses. Porta, quae est prope
altare Sancti Rochi muro obturetur infra mensem et alia in medio navis
a parte meridionali construatur. Tollantur feretra ab ecclesia, statim fiant
duo labra aquae sanctae. Fenestrae muniantur vel saltem speris e tela cerata
infra duos menses. Septum coemiterii reparetur et in ingressu eius cratis
ferrea supponatur ne pateat ingressus bestiis infra mensem.
Schola Sanctissimi Sacramenti, quae cum non docuerit de eius legitima
erectione, erecta est iam nunc ab illustrissimo visitatore, servet regulas ad
usum provinciae Mediolanensis editas. Scholares administrationum rationes
singulo anno coram vicario foraneo reddant. Populus clericum in habitu
idoneum manuteneat, qui missis et aliis parochialibus officiis inserviat.
In ecclesia Sancti Martini Lavrengiarum
Cancellis ligneis cappella a parte anteriori sepiatur infra mensem. Fenestella
maior a parte epistolae in pariete obturetur infra mensem. Altare Beatae
Virginis Mariae infra tres dies tollatur et ostium et fenestra a parte suprascripti
altaris infra octo dies muro obturetur.
Altare Sancti Salvatoris parieti, qui a tergo est, inhaereat, reducatur ad
formam et claudatur infra mensem et provideatur [f. 926r] de candelabris,
cruce et mappis et de aliis necessariis, nec ante in eo celebretur. Septum
coemiterii reparetur et in eo erigatur crux et pingatur imago Sancti Martini
super ostium maius ecclesiae. In sacristia fiat oratorium et lavatorium
infra duos menses. Provideatur de paramento viridi infra tres menses.
Muniatur fenestella, saltem tela cerata firmiter, extrinsecus elevetur paries
sacristiae, usque ad tectum inclusive.
In ecclesia Sancti Rochi Lavrengiarum
Infra mensem tabernaculum ligneum decens ad formam fiat et in eo cum
pyxide Sanctissimum Sacramentum assidue custodiatur cum lampade, quae
expensis scholae ardeat. Alia pyxis a tabernaculo processionum omnino
distinguatur infra mensem. Aliud vas baptisterii ad tertiam formam
instructionum cum ciborio congruo infra annum comparetur, sepiatur et
216