san carlo parte iniziale volume 5 valletrompia.qxd - Brixia Sacra

SALÒ
praefectum ab ea deputatum, qui singulo anno ipsi viciniae administrationum
rationes refert. Eleemosynae quae in anno fiunt esse poterunt librarum 25.
Ecclesia Sancti Bernardini Disciplinatorum
Non consecrata. Altaria duo habet. Nullos redditus, sed in eo quotidie
celebratur a fratribus Sancti Francisci de Observantia Salodii cum mercede
annua librarum 60, quae partim a Disciplinatis, partim vero a vicinia dictae
ecclesiae contribuuntur. In hac ecclesia est schola 9 Disciplinatorum, de eius
erectione non constat. Regulas habet, sed non comprobatas. Redditus
annui sunt ducatorum 8. Eleemosynae esse poterunt in anno librarum 100,
quae in fabricam, ornatum, suppellectilemque dictae ecclesiae ac etiam in
celebratione missarum impenduntur. Regitur a massariis et aliis deputatis,
qui singulis annis mutantur, et administrationum rationes [f. 723v] ipsi
societati referuntur, quibus visis in visitatione subscriptum est. Compertum
est praeterea ecclesiam predictam a scholaribus praedictis contra formam
sacrorum canonum, et sine aliqua superiorum licentia, dictis fratribus
Sancti Francisci concessam fuisse et eorum iurisdictioni subiecisse.
Ecclesia Sancti Ioannis fratrum Capucinorum Santi Francisci, non consecrata,
habet altaria duo. Monasterium annexum dictae ecclesiae quod
nuper a populo salodiano construi ceptum est, in quo de familia nunc habitant
duo sacerdotes et tres laici dicti ordinis Capucinorum.
Ecclesia Sancti Bernardini fratrum Sancti Francisci de Observantia
Consecrata creditur, et in ea Sanctissimum Sacramentum asservatur, coram
quo lampas expensis fratrum ardet. Altaria octo habet, videlicet altare
maius, altare Sancti Iosefi per Antonium Cerutum dotatum nonnullis redditibus
cum onere missae quotidianae, cui oneri fratres ipsi satisfaciunt,
altare Conceptionis per illos de Bertonzellis dotatum quibusdam redditibus
cum onere missae quotidianae, cui oneri fratres ipsi satisfaciunt, altare Sancti
Spiritus cum missa quotidiana ex assignatione facta per illos de Bedracis,
altare Sancti Marci dotatum per illos de Pollinottis cum onere missae [f.
724r] quotidianae, altare Sancti Antonii dotatum ab illis de Griffis cum onere
missae quotidianae, quibus omnibus oneribus fratres ipsi satisfaciunt.
Coemiterium ante ecclesiam clausum, in cuius capite est oratorium
Beatae Virginis Mariae in quo est altare unicum sine redditibus cum schola
ut infra. Sacristia adest et congrua.
287