san carlo parte iniziale volume 5 valletrompia.qxd - Brixia Sacra

BRIXIA SACRA
Archipresbyter diebus festis solennioribus saltem missas et vesperas cantet
aut eo impedito senior residens ad praescriptum primi provincialis concilii
mediolanensis. Matutinum aut eius pars non vesperis dicatur, exceptis diebus
[f. 960v] octavae Corporis Domini caeterisque diebus quibus ex instituto
ecclesiae ita fieri debet ad praescriptum concilii primi mediolanensis, sed
totum noctu aut mane ea hora cantetur ut matutini officii nomine retinere
possit. Archipresbiter quo poterit frequentius in choro divinis officiis intersit,
aliter nisi in animarum cura aut corporis infirmitate legitime impeditus
fuerit pro ratione emissionis distributionibus quotidianis careat.
Cappellani quibus ultra quod quotidie celebrare tenentur, relictum est
etiam onus divina obeundi officia in dicta ecclesia missam conventualem
celebrando oneri propriae cappellae satisfacere conseantur et si tempore
horarum canonicarum in proprio altari ratione oneris eiusdem altaris ex
ordine tabellae missarum celebrare contigerit, distributiones quotidianas
illarum etiam horarum percipiant. Sacerdotes cappellani etiam titulares
intra fines parochiae celebrantes diebus festis solemnioribus sacrificio missae
peracto ad praescriptum concilii provincialis in eius ecclesia cappellave
conveniant ad parochialem ecclesiam et missae conventuali aliisque divinis
officiis intersint qui autem vicini sunt per medium miliare solum.
In sacristia a clericis et sacerdotibus non fabulae, non nugae, [f. 961r]
risus aut strepitus fiant, sed silentium accurate servetur; qui in his deliquerit
suspensionem a divinis octo dierum, si sacerdos sit, incurratur; si vero
alius ordinis clericus arbitrio archipresbiteri et praefecti ecclesiae puniatur
et in eam aditus ne pateat laicis nisi necessitas postulet sub poena auri sacristiae
aliique sacerdoti eis admittenti et interdicto laicis ipsis et postquam
moniti fuerint ab ingressu sacristiae abstinere neglexerint. Ne laici quacumque
sint dignitate praediti intra septa chori vel altarium tempore missarum
vel divinorum officiorum ingrediantur, stent sedeantve sub poena
interdicti ab ingressu ecclesiae; quam poenam etiam ipso facto incurrant
qui oretenus etiam moniti ab ecclesiae rectore et praefecto aut ab aliis
ministris, cuius iussu non paruerint ibidemque statim denuntientur.
Archipresbyter vero et capitulum residentium huius ecclesiae, ministri
etiam inferiores quoties eos admiserint vel moniti excludere neglexerint
toties poenam duorum aureorum applicatorum ipso facto scholae Corporis
Christi incurrant ob idque donec chorus et cappella maior ad praescriptam
formam suprascriptam ordinationum reducatur. Sedes sacerdotum et
306