san carlo parte iniziale volume 5 valletrompia.qxd - Brixia Sacra

SALÒ
In ecclesia Sancti Ioannis Capucinorum
Altare maius a parte anteriori sepiatur et altare laterale sine nomine tollatur,
excitetur populus ut per eleemosinas et contributiones monasterium
hoc iam coeptum quamprimum perficiatur.
In ecclesia fratrum Sancti Bernardini de Salodio
Tabernaculum pro expositione Sanctissimi Sacramenti distinguatur omnino
a pyxide et fiat cum lunula ad formam. Tabernaculum ligneum panno
serico introvestiatur, basis decens et firma fiat. Deprimatur bradella nimis
alta ita ut altare convenientem altitudinem habeat iuxta formam instructionum
generalium. Pavimentum capellae ante altare maius ex ea parte qua
nimis infirmum est usque ad summitatem inferioris gradus latericii bradellae
ipsius altaris elevetur, haecque intra mensem praestentur. [f. 972r] Altare
Sancti Spiritus, fenestra per quam e caemiterio in capella introspicitur
intra 8 dies muro obturetur. Gradus ligneus super altare decenter 26 pingatur
27 , bradella 28 lignea nimis alta in duos gradus ad formam distinguatur.
Picturae profanae super sepulchro illorum de 29 Pedrasiis si intra 8 dies ad
ecclesiasticas et sacras imagines non reducentur, penitus deleantur nec
antequam suprascripta 30 adimpleta fuerint in ea capella celebretur. Tollatur
statim arca seu sepulchrum eminens.
Altaria duo 31 , videlicet 32 Crucifixi 33 et Sancti Marci quae sub organo et
sub choro pensili existunt intra 8 dies tollantur et eorum onera et emolumenta
ad altare Sancti Bonaventurae iam nunc transferantur. Singulis altaribus
huius ecclesiae provideatur de cruce, candelabris et caeteris necessariis
ad praescriptum instructionum, inseranturque petrae sacratae ad formam
et quae sacratae sunt iis adhibeatur tela cerata, quae non amoveatur.
Confessionalia quatuor ad formam in aperto et congruo 34 loco ecclesiae
statuantur. In oratorio in caemiterio provideatur de petra sacrata et de cruce
enea. A parte epistolae vitreis obturetur fenestra per quam e via publica
introspicitur et haec omnia intra duos menses.
[f. 972v] Fenestrae item oratorii ab imo usque ad medium earum muro
obturetur ita ut ab extrinseco non introspiciatur et vitreis muniantur termino
suprascripto. Post sacristiam, ubi est lavatorium, fiat etiam oratorium
decens intra mensem. Provideatur de purificatoriis, corporalibus et
eorum sacculis diversorum colorum, de vase item pro abluendis corporalibus
35 , de paramento violacei coloris cum suis ornamentis. Ne ullae
319