san carlo parte iniziale volume 5 valletrompia.qxd - Brixia Sacra

VALLE SABBIA
Bione, Santa Maria
[a. Acta visitationis, ff. 701r-703r
Brescia, XXXIII, ff. 52v-54r
U. VAGLIA, Storia della Valle Sabbia. Documenti, II, Brescia 1970 2 , pp. 164-169]
[b. Decreta particularia, ff. 928r-931v, 1053r-v
Brescia, XXXIII, ff. 2r-v; XXV, ff. 4r-7r; XXXV, ff. 251r-254v]
[a. CHIESA PARROCCHIALE DI SANTA MARIA DI BIONE]
[f. 701r] Die XI mensis maii
Visitavit parochialem ecclesiam archipresbyteratum nuncupatam Sanctae
Mariae loci Abioni et deinde intra eius fines infrascriptas ecclesias, cappellas,
scholas, oratoria et pia loca, quae partim ruinosa. Consecrata creditur,
et in ea Sanctissimum Sacramentum ante quod lampas partim ex legatis
quibusdam, partim rectoris impensis assidue ardet. [f. 701v] Reliquias
sanctorum parvas in vasibus ligneis indecenter asservatas. Baptisterium
non ad formam et loco incongruo. Altaria quatuor, videlicet altare maius,
altare Beatae Virginis Mariae cum schola Sanctissimi Sacramenti, et alia
duo indotata. Caret sacristia. Coemiterium adest muris septum. Domus
parochialis ecclesiae contigua. Ecclesia fabricatur et reparatur, ac de supellectilibus
providetur pro tertia parte a rectore et pro duabus a populo.
Reditus annui sunt aureorum 200 vel circa.
Titularis est presbyter Vincentius de Macrisgrassis annorum 65, de ordinibus
et de titulo docuit, scientia casuum conscientiae debilis pro munere
quo fungitur. Bonae vitae, non tamen frequentes sermones ad populum
habet, ut populus ipse in visitatione conquestus est. Clericum non habet et
in suprascriptis aedibus parochialibus habitat. Coadiutorem in cura animarum
et missis celebrandis, ut ex antiqua consuetudine teneri compertum
est, habet proprio sumptu, qui quidem est presbyter Ioannes Baptista de
Bonaspectis annorum 27. De ordinibus docuit, de facultate item exercendi
curam animarum, debilis scientia in munere suo coadiutoris curae animarum.
Bene audit et in suprascriptis aedibus parochialibus cum rectore habitat.
[f. 702r] Animae 1250, quae sacram eucharestiam sumunt circiter 650,
quibus tempore iubileorum et quadragesimae non sufficiunt ad minestranda
sacramenta archipresbyter et coadiutor.
221