san carlo parte iniziale volume 5 valletrompia.qxd - Brixia Sacra

BRIXIA SACRA
contentis afficiantur ac contra eos ex forma praecepti ut infra, per reverendissimum
ordinarium eiusque vicarios severe agatur propositis etiam in posterum
aliis gravioribus poenis arbitrio eiusdem reverendissimi ordinarii. Antonius
de Tonis 2 Sanctinam eius concubinam et in tertio gradu, ut asseritur,
eidem coniunctam missam faciat infra unum diem, nec eam ad conversandum
secum aut habitandum aut aliquod commercium habendum admittat, sub
poena aureorum quinquaginta et excommunicationis in subsidium prout
eidem in faciem factum fuit praeceptum, ut in actis visitationis constat.
Horatius Maschadanus et Catharina de Venturonibus concubinarii nec
deinceps inter se ullam quovis praetextu conversationem vel cohabitationem
commerciumve aliquod habeant sub poena aureorum quinquaginta ac
excommunicationis [f. 940v] in subsidium, prout eisdem factum fuit praeceptum
in faciem, ut in actis visitationis constat, quinimo termino quindecim
dierum proxime futurorum cum in Paschate proxime praeterito non
communicarint, peccata sua confiteantur et spatio a parocho statuendo,
quod tamen mensem non excedat sanctissimum eucaristiae sacramentum
sumant, alioquin ab ingressu ecclesiae interdicti pubblicentur. Hoc idem
praestent Franciscus Mascadanus et Martha de Clisentis concubinarii et
inconfessi, sub eisdem poenis ut supra. Item Ioannes Baptista ludimagister
et Catharina de *** concubinarii et inconfessi sub eisdem poenis aureorum
quinquaginta et excommunicationis in subsidium, prout omnibus et singulis
praedictis mandatum fuit, ut in actis visitationis constat.
In oratorio Sanctae Mariae de Viselono
Nec celebretur donec altare redactum sit ad formam et provisum sit de
necessariis, nec pateat, praeterquam orationis serotinae, et aliis item ecclesiasticis
usibus.
In oratorio Sancti Rochi Moronaghi
Super altare fiat integumentum et cancellis ligneis sepiatur infra mensem.
Provideatur de cruce, candelabris aeneis et paramento albo et donec de
suprascriptis et aliis necessariis iudicio vicarii foranei provisum sit, in eo ne
celebretur.
1
Aggiunto in interlinea.
2
Sta per Turis.
250